ርዕሰ ሊቃነ ጳጳሳት ፍራንችስኮስ ‘እኔም የስደተኛ ቤተሰብ ልጅ ነኝ’ ማለታቸው ተገለጸ!

የእዚህ ዝግጅት አቅራቢ መብራቱ ኃ/ጊዮርጊስ ቫቲካን

ርዕሰ ሊቃነ ጳጳሳት ፍራንችስኮስ በመጋቢት 11/2016 ዓ.ም ባስተላለፉት መልእክት በላጃስ ብላንካስ፣ ፓናማ ለተሰበሰቡ የስደተኞች ቡድን ንግግር አድርገዋል።

ርዕሰ ሊቃነ ጳጳሳቱ በመንፈስ ከእነርሱ ጋር አብሮአቸው መሄድ እንደሚፈልጉ ተናግረው ስለሁኔታቸውም ያላቸውን ግንዛቤ ገለጸዋል።

“እኔም የተሻለ የወደፊት ሁኔታ ፍለጋ የወጣሁ የስደተኞች ልጅ ነኝ” ብሏል።

በማገልገል ላይ ያሉትን ጳጳሳት እና የሐዋርያዊ አገልግሎት ሰጪ ተቋማትን አመስግነዋል።

ርዕሰ ሊቃነ ጳጳሳቱ “ከወንዶችና ከሴቶች ልጆቿ ጋር የምትሄድ፣ የክርስቶስን ፊት የምታውቅ እና እንደ ቬሮኒካ በፍቅር የስደት መንገድ ላይ እፎይታ እና ተስፋ የምትሰጥ እናት ቤተክርስቲያን ፊት” እንደሚወክሉ ተናግሯል።

ቅዱስ አባታችን አክለውም “ስደተኞች ከአገራቸው ለመውጣት፣ የከባድ ጉዞ አደጋና መከራ ለመጋፈጥ፣ ሌላ መውጫ በማያገኙበት ወቅት የሚሠቃየውን የክርስቶስ አካል ይወክላሉ ያሉ ሲሆን ስደተኞቹ ሰብአዊ ክብራቸውን ፈጽሞ እንዳይረሳ እና “የሌሎችን ዐይን ማየት እንዳይፈሩ” “የማይጣሉ” ስለሆኑ ተማጽኗል።

እነሱም “የሰው ቤተሰብ አባላትና የአምላክ ልጆች ቤተሰብ” መሆናቸውን አረጋግጦላቸዋል።