ርዕሰ ሊቃነ ጳጳሳት ለመጀመሪያ ጊዜ የዓለም የሕጻናት ቀን ካከበሩ ሕጻናት ልጆች ጋር በሮም ተገናኙ!

የእዚህ ዝግጅት አቅራቢ መብራቱ ኃ/ጊዮርጊስ ቫቲካን

ከተለያዩ የአለም ሀገራት የተውጣጡ 50,000 የሚጠጉ ህጻናት በሮም ኦሎምፒክ ስታዲየም ቅዳሜ ግንቦት 16/2016 ዓ.ም ከሰአት በኋላ ከርዕሠ ሊቃነ ጳጳሳት ከፍራንችስኮስ ጋር ተገናኝተው በዓለማችን የወደፊት ሁኔታ ላይ ያላቸውን ጠቀሜታ በማሰላሰል ለመጀመሪያ ጊዜ የዓለም የሕፃናት ቀን (WCD) መሪ ቃል ሰላም የሚለው እንደ ነበረ ተገልጿል።

በልጆች ላይ ሁሉም ነገር ስለ ህይወት እና ስለወደፊቱ ነገር ይናገራል

በመቀጠልም ለወጣቶች ሞቅ ያለ ንግግር በማድረግ አጭር የመግቢያ ንግግር በማድረግ ህፃናቱ ምላሽ እንዲሰጡ ጥሪ አቅርበዋል።

ርዕሰ ሊቃነ ጳጳሳቱ ንግግራቸውን የከፈቱት በልጆች ውስጥ "ሁሉም ነገር ስለ ሕይወት እና ስለ ወደፊቱ ጊዜ ይናገራል" በማለት እና ቤተክርስቲያን "እንደ እናት" እንደምትቀበላቸው እና "በደግነት እና በተስፋ" እንደምትቀበላቸው አረጋግጠዋል።

እ.አ.አ በህዳር 7/2023 ዓ.ም በቫቲካን ከልጆች ጋር “ከወንዶችና ከሴቶች ልጆች እንማር” በሚል መሪ ቃል የዓለም የህጻናት ቀን እንዲከበር መነሳሳታቸውን አስረድተዋል። "ንግግራችን መቀጠል እንዳለበት ተገነዘብኩ እና ለብዙ ልጆች እና ወጣቶች መስፋፋት ነበረበት" ሲሉ ተናግሯል።

በጦርነት እና በግፍ ለሚሰቃዩ ልጆች ጸልዩ

ከዚያም ርዕሰ ሊቃነ ጳጳሳቱ በተለያዩ የዓለም ክፍሎች ከተከሰቱት በርካታ ጦርነቶች ጀምሮ ከልጆች ጋር ተከታታይ ጥያቄዎችን አደረጉ። "ስለ ጦርነቶች አዝናችኋል?"፣ "ጦርነት ጥሩ ነገር ነው?"፣ "ሰላም ያምራችኋል?" በጦርነት ለሚሰቃዩ፣ ወደ ትምህርት ቤት መሄድ ለማይችሉ፣ ለተራቡ ወይም ችላ ለተባሉ ሕፃናት እንዲጸልዩ ወጣቶቹን በመጋበዝ ጠያቄአቸውን አጽንተዋል።

ርዕሰ ሊቃነ ጳጳሳት ፍራንችስኮስ “እነሆ፣ ሁሉንም ነገር አዲስ አደርጋለሁ” በሚለው መሪ ቃል ላይ ትኩረታቸውን በማስከተል አድርገዋል።

ደስተኛ መሆናችሁን ቀጥሉ

በመጨረሻም ቅዱስ አባታችን ኢየሱስ እንደሚወዳቸው በመናገር ልጆቹ በድፍረት እና በደስታ እንዲሄዱ አበረታቷቸዋል ይህም "የነፍስ ጤና" ነው ያሉት ቅዱስነታቸው “ፀጋ የሞላሽ ማርያም ሆይ” የሚለውን ጸሎት አብረዋቸው ሕጻናት እንዲጸልዩ ከተጠየቁ በኋላ  ንግግራቸው አጠቃሏል።

በሰላም እና በእምነት ላይ ህያው ውይይት

ርዕሠ ሊቃነ ጳጳሳት ፍራንችስኮስ ከሰላምታ ንግግራቸው በኋላ ንግግራቸውን በመቀጠል የአምስቱን አህጉራት ተወካዮች አንዳንድ ልጆች በርካታ ጥያቄዎችን ጠይቀዋል።

"እውነት ሁል ጊዜ ሰላም ይቻላል?" ጄሮኒሞ ከኮሎምቢያ ጠየቀ።   ርዕሰ ሊቃነ ጳጳሳት ፍራንችስኮስም ሰላም ለመፍጠር ይቅርታ መጠየቅ እና ይቅርታ ማድረግ አስፈላጊ መሆኑን በድጋሚ አስታውሰዋል። "ልጆች ዓለምን የተሻለች ለማድረግ ምን ማድረግ ይችላሉ?" ከቡሩንዲዋ ሊያ ማርሴ ለቅዱስነታቸው የቀረበ ጥያቄ ነበር፣ "አትጨቃጨቁ፣ ሌሎችን እርዱ" በማለት መለሱ። ርዕሰ ሊቃነ ጳጳሳት ፍራንችስኮስ በዚህ ዓመት በመስከረም ወር የሚጎበኟት የኢንዶኔዥያ አገር ተወላጅ የሆነች ልጅ ምን ተአምር ለማድረግ እንደሚመርጡ ጠየቀች። “ለሁሉም ልጆች በሕይወት መኖር፣ ለመብላት፣ ለመጫወት፣ ወደ ትምህርት ቤት የሚሄዱበት የሚያስፈልጋቸው ነገር እንዲኖራቸው። እኔ ማድረግ የምፈልገው ተአምር ይህ ነው” ሲል የመለሱ ሲሆን ለፌዴሪኮ ለጣሊያናዊው ልጅ በመከራ ውስጥ ያሉ ሕፃናትን እንዴት መርዳት እንደምንችል ለጠየቀው መልስ ከሰጡ በኋላ ንግግራቸውን አጠናቀዋል።

"መሠረታዊ ፍላጎቶቻቸውን ማሟላት የማይችሉ ልጆች አሉ። ሁላችንም እኩል መሆን አለብን፣ ነገር ግን እንደዛ አይደለም ሲሉ ርዕሠ ሊቃነ ጳጳሳት ፍራንችስኮስ አምነዋል። ይህ የሆነው በራስ ወዳድነት፣ በፍትሕ መጓደል ምክንያት ነው... በዓለም ላይ ያን ያህል ኢፍትሐዊ ድርጊት እንዳይፈጸም ሁላችንም እንሥራ” ሲሉ ጥሪ አቅርበዋል።

ከዚያም ርዕሰ ሊቃነ ጳጳሳት ፍራንችስኮስ ለአፍታ ዝምታን ጠየቁ እና ምንም የሚበሉት ስለሌላቸው በዓለም ላይ ያሉ አሳዛኝ ሕጻናት ሁሉ እንዲያስቡላቸው ጠየቁ።

በዕለተ እሁድ በቅዱስ ጴጥሮስ አደባባይ ለሚከበረው የመጀመሪያው የዓለም የሕጻናት ቀን WCD ላይ በሚከናወነው መስዋዕተ ቅዳሴ ላይ እንዲሳተፉ ጥሪ ያቀረቡት ቅዱስነታቸው ውይይቱ በሙዚቃ ፣በአጭር ቪዲዮ እና በአጭር የእግር ኳስ ግጥሚያ ከጣሊያን እግር ኳስ ተጫዋቾች ጋር በበዓል ድባብ ተካሂዶ ህፃናቱ ለርዕሰ ሊቃነ ጳጳሳት የሳሉትን ስዕላቸውን አቅርበው ተጠናቋል።

በቅድስት ሥላሴ ክብረ በዓል ላይ ለዚህ የመጀመሪያ የዓለም ልጆች ቀን ቅዳሴን በሚመራበት እሁድ በቅዱስ ጴጥሮስ አደባባይ እንደገና እንደ ሚገናኙ ያላቸውን ተስፋ ቅዱስነታቸው ገልጸዋ ሐዋርያዊ ቡራኬያቸውን ከሰጡ በኋላ ዝግጅቱ ተጠናቋል።