ር.ሊ.ጳ ፍራንችስኮስ እኛ ብቻችንን አይደለንም ነገር ግን በመንፈስ ቅዱስ ተበረታተናል አሉ!

የእዚህ ዝግጅት አቅራቢ መብራቱ ኃ/ጊዮርጊስ ቫቲካን

ይህ በዓል በቫቲካን በሚገኘው በቅዱስ ጴጥሮስ ባዚሊካ ርዕሰ ሊቃነ ጳጳሳት ፍራንችስኮስ ባሳረጉት መስዋዕተ ቅዳሴ ተክብሮ ማለፉ የተገለጸ ሲሆን በወቅቱ ቅዱስነታቸው ባሰረጉት መስዋዕተ ቅዳሴ ላይ ባሰሙት ስብከት  መንፈስ ቅዱስ በቤተ ክርስቲያን ውስጥ በኃይል እና በየዋህነት እንዴት ፈጽሞ እንደማይተወን እና ከፈቀድንለት፣ የእርሱን መገኘት እና ስጦታዎች እንደሚሰጠን ተናግረዋል። እኛ ብቻችንን አይደለንም፣ ጌታ በመንፈሱ ሁሌም ከእኛ ጋር ነው፣ ያለዚያ ሁሉም ነገር የማይቻል ነበር ብለዋል።

እጅግ በጣም ፈታኝ በሆነው ጊዜ ወይም በዕለት ተዕለት ትግል ውስጥ፣ መንፈስ ቅዱስ እና ስጦታዎቹ እንድንጸና ያበረቱናል ያሉት ርዕሰ ሊቃነ ጳጳሳት ፍራንችስኮስ የፋሲካ ሰሞን ፍጻሜን በማስመልከት እሁድ እለት የጰንጠቆስጤ በዓል ላይ በቫቲካን ባደረጉት ስብከት ይህን አጽናኝ ማሳሰቢያ ሰጥተዋል።

በቅዱስ ጴጥሮስ ባዚሊካ በተካሄደው በስዋዕተ ቅዳሴ ላይ ርዕሰ ሊቃነ ጳጳሳቱ በበዓለ ሃምሳ በሐዋርያት ሥራ ውስጥ ካለው መንፈስ ቅዱስ በሐዋርያት ላይ የወረደበትን የመጽሐፍ ቅዱስ ታሪክ በመጥቀስ መንፈስ ቅዱስ በቤተ ክርስቲያን ውስጥ በእኛም ሆነ በተልእኮው ውስጥ ያለውን ተግባር ከባሕሪያቱ ጋር ያሳያል። የኃይል እና የዋህነት ባህሪይ ያላብሰናል ብለዋል።

ርዕሰ ሊቃነ ጳጳሱ መንፈስ ቅዱስ እንዴት በደቀ መዛሙርቱ ላይ እንደወረደ እና ከጎናቸው እንደሚሆን አስታውሰዋል፣ እንደ ጰራቅሊጦስም፣ ልባቸውን የለወጠው እና የተረጋጋ ድፍረትን ያሳረፈ፣ ይህም ስለ ኢየሱስ ያላቸውን ልምድ እና ያነሳሳቸውን ተስፋ ለሌሎች እንዲያስተላልፉ ያደርጋቸዋል ብለዋል።

'እኛም ተልከናል'

በጥምቀት እና በምስጢረ ሜሮን መንፈስ ቅዱስን ለተቀበልን ሁላችንም ይህን ጳጳሱ ተመልክተዋል።

“ከዚህ ባዚሊካ “ከላይኛው ክፍል”፣ ልክ እንደ ሐዋርያት፣ እኛም፣ ወንጌልን ለሁሉም ለመስበክ እየተላክን እንገኛለን ያሉት ቅዱስነታቸው ይህን ማድረግ ያለብን ያለ “ትዕቢት፣ ሳናስገድድ ወይም በስሌት” ሳይሆን “መንፈስ በልባችን በሚያስተምረን እና በውስጣችን እንዲወርድ በሚያደርገው እውነት ከታማኝነት በተወለደ ጉልበት” ነው ብለዋል።

ሰላምን፣ ይቅርታን፣ ሕይወትን ሳትታክት ማወጅ

በዚህም ምክንያት፣ ርዕሰ ሊቃነ ጳጳሳት ፍራንችስኮስ እንዳሉት ከሆነ “እኛ ተስፋ አንቆርጥም፣ ነገር ግን ያለመታከት ጦርነት ለሚሹ ሰዎች ስለ ሰላም እንናገራለን፣ በቀል ለሚሹ ይቅርታን እንናገራለን፣ ደጃቸውን ለሚዘጉ እና እንቅፋት ለሚሆኑት ስለ እንኳን ደህና መጣችሁ እና አጋርነትን እንናገራለን፣ ሞትን ለሚመርጡ ሕይወት፣ ማዋረድ፣ መሳደብና መካድ ለሚወዱ ክብርን መናገር እና ማሰሪያን ሁሉ ለሚቆርጡት ታማኝነትን መናገር አለብን ብለዋል።

የመንፈስ ሥራ በውስጣችን ምን ያህል ኃይለኛ እንደሆነ ሲገልጹ፣ “እንዲህ ያለ ኃይል ከሌለን በራሳችን ክፋትን ማሸነፍ ወይም የሥጋን ምኞት ማሸነፍ እንደማንችል ማወቅ አለብን” በማለት አስጠንቅቋል።

ርዕሰ ሊቃነ ጳጳሳቱ ራሳችንን ለዓለም ሳይሆን ለመንፈስ ቅዱስ አሳልፈን እንድንሰጥ ሐሳብ አቅርበዋል።

“መንፈስ ቅዱስ ከፈቀድንለት” በማለት ጳጳሱ በዚህ ጥረት “ያነሳሳናል፣ ይረዳናል እንዲሁም ይደግፈናል” በማለት አረጋግጠዋል፣ “የትግል ጊዜያችን ወደ የእድገት አጋጣሚዎች፣ ጤናማ ቀውሶች በተሻለ ሁኔታ ልንወጣ እንችላለን። የበለጠ ጠንካራ እና ሌሎችን በላቀ ነፃነት መውደድ የሚቻለው መንፈስ ቅዱስን ስንቀበል ብቻ ነው ብለዋል።

ኢየሱስም በመንፈስ ተገፋፍቶ ለ40 ቀናት ብቻውን በምድረ በዳ በተፈተነበት ጊዜ፣ ሰብዓዊነቱ ባደገበት ጊዜ፣ ሲበረታ እና ለተልእኮ ሲዘጋጅ ይህንን ያሳየን እንደነበር አስታውሷል።

ርዕሰ ሊቃነ ጳጳሳቱም የመንፈስን የዋህነት ላይ አሰላሰሉ፣ ይህንንም ተመልክተናል፣ በቅዱሳት መጻሕፍት ውስጥ የእግዚአብሔርን አሠራር ሲገለጽ በተደጋጋሚ እንመለከታለን፣ በተመሳሳይም ማስታወቂያችን “የዋህና ለሁሉ እንግዳ ተቀባይ፣ የትም ቢሆኑ ለማበረታታትና ሌሎችን የሚደግፉ ጥረቶችን የሚያደርጉ መሆን አለባቸው” ብለዋል። መልካም ፈቃድ ያላቸውን ወንድና ሴት ሁሉ በትሕትናና በየዋህነት የሚቀርብ ይሁን” ሲ ኢየሱስ እንዳደረገው እኛም ስብከተ ወንጌላችንን በትህትና ማከናወን ይኖርብናል ብለዋል።

እይታችንን ማንሳት

ርዕሰ ሊቃነ ጳጳሳቱ ወደ ሰላም፣ ወንድማማችነት እና አንድነት የሚወስደውን ጠመዝማዛ እና አቀበት መንገድ ተገንዝበው ነበር፣ ነገር ግን "ብቻችንን አይደለንም" እናም በመንፈስ ቅዱስ እና በስጦታዎቹ እርዳታ፣ አብረን እንድንጓዝ እና ያንን መንገድ የበለጠ እናሳድግ በማለት አረጋግጠዋል።

ርዕሠ ሊቃነ ጳጳሳት ፍራንችስኮስ በዚሁ ስሜት ሁላችንም ከጎናችን ባለው መንፈስ ቅዱስ ፊት እምነታችንን እንድናድስ ጋብዘውን አጽናንተውናል፣ “አእምሯችንን ለማብራት፣ ልባችንን በጸጋ እንድንሞላ፣ እርምጃችንን እንዲመራ እና ለሌሎች እንድንሰጥ ጋብዘውን እና ለዓለማችን ሰላም ከተማጸኑ በኋላ ቅዱስነታቸው ስብከታቸውን አጠናቀዋል።