ር.ሊ.ጳ ፍራንችስኮስ ራሳችሁን በክርስቶስ ከሚገኘው ደስታ አታርቁ ማለታቸው ተገለጸ!

ርዕሰ ሊቃነ ጳጳሳት ፍራንችስኮስ ዘወትር እሁድ በቫቲካን በሚገኘው በቅዱስ ጴጥሮስ አደባባይ ለሚሰበስቡ ምዕመናን በእለቱ ቅዱስ ወንጌል ላይ ተንተርሰው አስተንትኖ እንደሚያደርጉ ይታወቃል። በእዚህ መሰረት ቅዱስነታቸው በሐምሌ 7/2016 ዓ.ም ባደረጉት የቅዱስ ወንጌል አስተንትኖ ራሳችሁን በክርስቶስ ከሚገኝ ደስታ አታርቁ ማለታቸው ተገልጿል።

የዚህ ዝግጅት አቅራቢ መብራቱ ኃ/ጊዮርጊስ- ቫቲካን

ክቡራን እና ክቡራት የዝግጅቶቻችን ተከታታዮች ርዕሰ ሊቃን ጳጳሳት ፍራንችስኮስ በወቅቱ ያደረጉትን የቅዱስ ወንጌል አስተንትኖ ሙሉ ይዘቱን እንደሚከተለው አሰናድተነዋል፣ ተከታተሉን።

የተወደዳችሁ ወንድሞቼ እና እህቶቼ እንደምን አረፈዳችሁ!

በዛሬው እለት የተነበበው ቅዱስ ወንጌል  ደቀ መዛሙርቱን ወደ ተልእኮ ስለላካቸው ኢየሱስ ይነግረናል (ማር. 6፡7-13)። እሱ "ሁለት ሁለት" አድርጎ ይልካቸዋል፣ እናም አንድ አስፈላጊ ነገር ይመክራቸዋል፥አስፈላጊ የሆነውን ነገር ብቻ ይዘው እንዲጓዙ ይነግራቸዋል።

በዚህ ምስል ላይ ለአፍታ እናሰላስል፣ ደቀ መዛሙርቱ በአንድነት ተልከዋል እናም አስፈላጊውን ብቻ ይዘው መሄድ አለባቸው።

ወንጌልን ብቻውን አንሰብክም፤ እንዲህ አይደለም፣ እንደ ማህበረሰብ በአንድነት ይሰበካል፣ ይህንን ለማድረግ ደግሞ ጨዋነትን እንዴት መጠበቅ እንዳለብን ማወቅ አስፈላጊ ነው፡ በነገሮች አጠቃቀም ላይ በመጠን መመላለስ፣ ሃብትን ማጋራትን፣ አቅምን እና ስጦታዎችን እና ከመጠን በላይ ያለ ማድረግ ይጠይቃል። ለምን፧ ነፃ ለመውጣት፡- እጅግ የበዛ ነገር ይዞ መጓዝ እኛን የቁሳቁሶች ባሪያ እንድንሆን ያደረገናል፥ እናም ደግሞ ሁላችንም በክብር እንድንኖር እና ለተልእኮው ንቁ አስተዋፅኦ ለማድረግ የሚያስፈልገንን እንዲኖረን፤ ከዚያም በሃሳብ መጠመድ፣ በስሜቶች መጠመድ፣ ቀደም ብለን ያሰብነውን ሀሳባችንን በመተው እና እንደ ትርጉም የለሽ ሻንጣዎች የሚከብዱን እና ጉዞውን የሚያደናቅፉ፣ ነገሮች በመተው መወያየትና መደማመጥን በማሳደግ ምስክርነታችን የበለጠ ውጤታማ እንዲሆን ያደርጋል።

ለምሳሌ በቤተሰባችን እና በማህበረሰባችን ውስጥ ስለሚሆነው ነገር እናስብ፡ አስፈላጊ በሆነው ነገር ስንረካ በጥቂቱም ቢሆን በእግዚአብሔር እርዳታ ወደ ፊት መሄድ እና መስማማት እንችላለን፣ ያለንን እያካፈልን ሁሉም ሰው በአንድነት ወደ ፊት ይሄዳል። የሆነ ነገር እና እርስ በርስ መደጋገፍ (ሐዋ. 4፡32-35) ያስፈልጋል። እናም ይህ አስቀድሞ የሚስዮናውያን አዋጅ ነው፣ ከቃላት በፊት እና እንዲያውም የበለጠ፣ ምክንያቱም የኢየሱስን መልእክት በህይወት ተጨባጭነት ውስጥ ያለውን ውበት ስለሚያካትት ነው። በእርግጥም በዚህ መንገድ የሚኖር ቤተሰብ ወይም ማህበረሰብ በዙሪያው በፍቅር የበለፀገ አካባቢ ይፈጥራል፥ ለእምነት እና ለወንጌል አዲስነት እራስን ለመክፈት ቀላል የሆነበት እና አንድ ሰው በተሻለ ሁኔታ የሚጀምርበት፣ የበለጠ በተጠናከረ መልኩ ሐዋርያዊ ሥራውን ይጀምራል፣ የተረጋጋ ሕይወት ይኖረዋል።

በአንፃሩ ሁሉም ሰው በራሱ መንገድ ከሄደ፣ ቁሳዊ ነገሮች ብቻ ቢቆጠሩ - መቼም የማይበቃው - ሰው ካልሰማ፣ ግለሰባዊነት እና ምቀኝነት ቢሸነፍ መልካም ነው - ምቀኝነት ገዳይ ነው፣ መርዝ ነው! - ግለሰባዊነት እና ምቀኝነት ስያሸንፉ አየሩ ይከብዳል፣ ህይወት አስቸጋሪ ይሆናል፣ እናም መገናኘት የደስታ አጋጣሚ ሳይሆን የእረፍት ማጣት፣ የሀዘን እና የተስፋ መቁረጥ አጋጣሚ ይሆናል (ማቴ. 19፡22)።

ውድ ወንድሞች እና እህቶች፣ ህብረት እና ጨዋነት ለክርስቲያናዊ ህይወታችን አስፈላጊ እሴቶች ናቸው፡ ኅብረት፣ በመካከላችን መስማማት፣ እና ጨዋነት አስፈላጊ እሴቶች ናቸው፣ ቤተ ክርስቲያን በሁሉም ደረጃ ሚስዮናዊ እንድትሆን አስፈላጊ የሆኑ እሴቶች ናቸው።

እንግዲህ እራሳችንን እንጠይቅ፡- ከጌታ ጋር በመገናኘት የሚመጣውን ደስታና ብርሃን ወንጌልን በመስበክ፣ በምኖርበት ቦታ፣ በማምጣት፣ ሰላምን ለሌሎች ማካፈል ደስ ይለኛል ወይ? እና ይህን ለማድረግ ራሴን ከሌሎች ጋር ለመራመድ፣ ሀሳቦችን እና ክህሎቶችን ከእነሱ ጋር ለመካፈል፣ ክፍት አእምሮ እና ለጋስ ልብ አለኝ ወይ? እናም በመጨረሻም፡ የወንድሞቼንና የእህቶቼን ፍላጎት በትኩረት የምከታተል፣ በመጠን የተሞላ የአኗኗር ዘይቤን እንዴት ማዳበር እንዳለብኝ አውቃለሁ ወይ? እራሳችንን ብንጠይቅ ጥሩ የሆኑ ጥያቄዎች ናቸው።

በሕይወታችን ኅብረት እና ጨዋነት እውነተኛ ሚስዮናውያን ደቀ መዛሙርት እንድንሆን የሐዋርያት ንግስት ማርያም በአማላጅነቷ እርሷ ትርዳን። በኅብረት፣ በመካከላችን ተስማምተን እና በሕይወት ጨዋነት ውስጥ መኖር እንችል ዘንድ እርሷ በአማላጅነቷ ትርዳን።