ርዕሰ ሊቃነ ጳጳሳት ፍራንችስኮስ ለዓለም የሕፃናት ቀን አዲስ ጳጳሳዊ ኮሚቴ አቋቋሙ!

የዚህ ዝግጅት አቅራቢ መብራቱ ኃ/ጊዮርጊስ-ቫቲካን

"የልጆች እይታ አዋቂዎች ብዙውን ጊዜ የማይገነዘቡትን በመመልከት ለምስጢር አድናቆት እና ግልፅነትን የሚከፍት ነው" ሲሉ የተናገሩት ርዕሰ ሊቃነ ጳጳሳት ፍራንችስኮስ ረቡዕ ህዳር 11/2017 ዓ.ም ይፋ የሆነው የዓለም የሕፃናት ቀን ጳጳሳዊ ኮሚቴ በማቋቋም በእጅ በጻፉት መልእክት የሕፃናትን አስፈላጊነት አረጋግጠዋል።

ለአዲሱ ጳጳሳዊ ኮሚቴ “የዓለም የሕፃናት ቀንን የማስተዋወቅ፣ የማደራጀት እና የማንቀሳቀስ” ተልዕኮ ተሰጥቶታል።

ርዕሰ ሊቃነ ጳጳሳቱ የካፑቺን ማሕበር አባል ይሆኑትን አባ. ኤንዞ ፎርቱናቶ የመጀመሪያው የጳጳሳዊ ኮሚቴው የዓለም የሕጻናት ቀን ፕሬዚዳንት አድርገው መሾማቸው ተገልጿል።

ክርስቲያኖች በመገረም ሕፃን እንዲመስሉ ተጠርተዋል።

ርዕሰ ሊቃነ ጳጳሳት ፍራንችስኮስ በእጅ ጹሑፍ ባሰፈሩት ርእሰ አንቀጽ የሕፃናት ማኅበራዊ ደረጃ በሰው ልጅ ታሪክ ውስጥ በእጅጉ ተለውጧል ያሉ ሲሆን “በኢየሱስ ዘመን ልጆች ብዙ ትኩረት አልተሰጣቸውም ነበር፣ እነሱ “ገና ሰው ያልሆኑ” ተደርገው ይታዩ ነበር እና እንዲያውም የመንግሥቱን ምሥጢራት በማብራራት ላይ ያተኮሩ በሕግ መምህራን እንደ አስጨናቂ ተደርገው ይታዩ ነበር ብለዋል።

ኢየሱስ አሉ ርዕሰ ሊቃነ ጳጳሳት አክለውም፣ ይህንን አስተሳሰብ በመሻር የገዛ ደቀ መዛሙርቱ ልጆች ወደ ሕይወት የሚቀርቡበትን አስደናቂ ነገር እንዲመስሉ አሳስቧቸው ነበር ያሉት ቅዱስነታቸው “ደቀ መዛሙርት በመተማመን፣ በመደነቅ እና በመገረም እንዲያድጉ ተጠርተዋል—በእዚህ መንገድ እርጅና እና ብስጭት ብዙውን ጊዜ በሰው ልጆች ውስጥ ይጠፋሉ ሲሉ ተናግረዋል።

ሕጻናት በክርስቶስ ደም የተዋጁ በመሆናቸው፣ እነሱም በሕይወታቸው አሁን ባለበት ደረጃ፣ ወደ ፊት ትልቅ ሰው ሲሆኑ ለቤተ ክርስቲያንና ለኅብረተሰቡ የሚያበረክቱትን ነገር ብቻ ሳይሆን ተፈጥሯዊ ዋጋ አላቸው ብለዋል።

ርዕሰ ሊቃነ ጳጳሳቱ “ቤተሰብ፣ ቤተ ክርስቲያን እና መንግሥት የሚኖሩት ለሕፃናት እንጂ በሌላ መንገድ አይደለም” ብለዋል። "ከመወለድ ጀምሮ እያንዳንዱ የሰው ልጅ የማይገሰስ፣ የማይጣሱ እና የአለም አቀፍ መብቶች ርዕሰ ጉዳይ ነው" ብለዋል።

ልጆችን መንከባከብ 'የበጎ አድራጎት ግዴታ እና መግለጫ'

ርዕሰ ሊቃነ ጳጳሳት ፍራንችስኮስ በመቀጠል ቤተክርስቲያን እንደ ግዴታዋ እና እንደ የበጎ አድራጎት መግለጫ ለህፃናት መብቶች ድምጽ እንድትሰጥ አሳስበዋል።

ልጆች እምነት እንዲኖራቸው በእናቶቻቸው፣ አባቶቻቸው እና ቤተሰቦቻቸው ዘንድ እውቅና፣ አቀባበል እና መረዳት የማግኘት ፍላጎት እና መብት እንዳላቸው ተናግሯል። በፍቅር መከበብ እና ስሜታዊ ደህንነትን መለማመድ፣ ከወላጆቻቸው ጋር ቢኖሩም ባይኖሩም፣ ማንነታቸውን ለማወቅ እና ስም፣ ቤተሰብ እና ዜግነት እንዲኖራቸው፣ ከአክብሮት እና መልካም ስም ጋር በኑሮ እና በትምህርት ሁኔታ ስሜታዊ መረጋጋት እንዲኖራቸው” መሥራት ይገባል ብለዋል።

የአለም የህፃናት ቀን ልጆችን በቤተክርስቲያኗ የሐዋርያዊ እንክብካቤ ተግባር ማዕከል ለማድረግ እና በአለም ዙሪያ ያሉ ሀገረ ስብከቶችን የህፃናትን አስፈላጊነት በማሰብ አንድ ለማድረግ እድል ይሰጣል ብሏል።

ርዕሰ ሊቃነ ጳጳሳቱ በተጨማሪም የዓለም የሕጻናት ቀን ልጆች ጌታችን ኢየሱስ ክርስቶስን እንደ ወዳጅ እና እንደ ጥሩ እረኛ በሚጫወተው ሚና እንዲያውቁ፣ እንዲወዱ እና እንዲያገለግሉ እና ቤተ ክርስቲያኒቱ እንደ መንፈሳዊ ቅርስ በምትመለከታቸው የቅዱሳን ልጆች ወግ ላይ እምነታቸውን እንዲያሳድጉ ይረዳል ብለዋል።

ለልጆች የሚደርገው ሐዋርያዊ እንክብካቤ

ርዕሰ ሊቃነ ጳጳሳት ፍራንችስኮስ በማጠቃለያው የዓለም የሕፃናት ቀን የሚመለከተው ጳጳሳዊ ኮሚቴ አመታዊ ዝግጅቱ የተናጠል ዝግጅት እንዳይሆን ያደርጋል ብለዋል።

ይልቁንም፣ የዓለም የህፃናት ቀን “ለህፃናት የሚደርገው ሐዋርያዊ እንክብካቤ በወንጌል እና በትምህርታዊ ጉዳዮች ቅድሚያ የሚሰጠው” መሆኑን ለማረጋገጥ ቀጣይነት ያለው ጥረት መሆን አለበት ብሏል።