Францішак пра новую благаслаўлёную законніцу
Пантыфік нагадаў, што ў Касцёле з’явілася новая благаслаўлёная. Беатыфікацыя сястры Марыі Альфонсы прайшла 9 верасня 2018 г. у гістарычнай сталіцы Эльзаса.
“Сёння ў Страсбургу прайшла цэлебрацыя беатыфікацыі Альфонсы Марыі Эпінгер, заснавальніцы Сясцёр Найсвяцейшага Збаўцы. Мы дзякуем Богу за гэту мужную і мудрую жанчыну, якая праз пакуты, маўчанне і малітву сведчыла Божую любоў, асабліва да хворых целам і духам”, - сказаў Францішак падчас сустрэчы з вернікамі на “Анёл Панскі”.
Элізабэт Эпінгер нарадзілася ў вялікай сям’і 9 верасня 1814 г. У 1849 г. заснавала Кангрэгацыю Сясцёр Найсвяцейшага Збаўцы і стала яе першай найстаяцельніцай. Памерла ў Страсбургу 31 ліпеня 1867 г.
09 верасня 2018, 13:18
