Біскупы Англіі пра этычныя аспекты вакцынацыі
Камісія па ахове здароўя і ментальнага здароўя і Камісія абароны жыцця ў біскупскай канферэнцыі Англіі і Уэльса апублікавалі заяву, у якой патлумачылі этычныя і маральныя аспекты вакцынацыі. Біскупы нагадваюць, што вакцынацыя, накіравана на абарону самых уразлівых членаў грамадства, у першую чаргу людзей з імунадэфіцытам, цяжарных і іх яшчэ народжаных дзяцей.
“Мы лічым, што забеспячэнне неабходнай імунізацыі для бяспекі іншых – гэта маральны абавязак”, у той час як “адмова ад прышчэпак вядзе да небяспечных і патэнцыйна сур’ёзных наступстваў для самых слабых членаў грамадства”, - сцвярджаецца ў заяве, падпісанай біскупамі Полам Мэйсанам і Джонам Шэрынгтанам.
У дакуменце закранута і пытанне вытворчасці вакцын з клетак абарціраваных чалавечых эмбрыёнаў. Касцёл выступае супраць вырабу вакцын з выкарыстаннем тканіны, атрыманай у выніку абортаў, - сцвярджаюць біскупы. Прыярытэт аднак варта аддаваць здароўю дзяцей і іншых уразлівых асоб, таму дапускаецца ўжыванне вакцын, якія былі распрацаваны раней з выкарыстаннем дыплоідных клетачных ліній ад эмбрыёнаў. Спасылаючыся на дакумент Папскай акадэміі жыцця з 2005 г, яны падкрэсліваюць: Касцёл праводзіць адрозненне паміж неэтычным паходжаннем новых сучасных вакцын з аднаго боку і выкарыстаннем клетачных ліній у 1970-х гадах – з другога.
, - гаворыцца ў заяве.
Разам з тым неабходна працягваць змагацца з фармацэўтычнымі кампаніямі, якія дзейнічаюць амаральна, - аднак “гэта барацьба не павінна адбівацца на нявінных дзецях і на эпідэміялагічнай абстаноўцы”, - сцвярджаюць біскупы Англіі і Уэльса.
“Каталіцкі Касцёл моліцца і падтрымлівае ўсіх, хто імкнецца знайсці вакцыну супраць разбуральнага віруса COVID-19. Мы спадзяёмся, што этычны пошук такой вакцыны магчымы”, - заявілі вялікабрытанскія іерархі.
