Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
РУЖАНЕЦ НА ЛАЦІНСКАЙ МОВЕ
Расклад Падкасты
Кардынал Луіс Рафаэль Сако Кардынал Луіс Рафаэль Сако 

Іракскі кардынал: папскі візіт не прывёў да змен

Сітуацыя хрысціян у Іраку ніяк не змянілася, яны па-ранейшаму не могуць вярнуцца ў свае дамы, адкуль іх выгналі джыхадзісты, і карыстацца поўным грамадзянствам, - адзначыў кардынал Луіс Рафаэль Сако.

Аляксандр Амяльчэня - Vatican News

Халдэйскі Патрыярх Вавілона падкрэсліў, што іракскія ўлады не выканалі сваіх абяцанняў, дадзеных Францішку. У прыватнасці, не распачаты рамонт храмаў, нічога не зроблена для аднаўлення рэлігійнага турызму.

Кардынал у даволі сумным ключы ацаніў эфекты гістарычнай пілігрымкі Папы. Ён падкрэсліў, што надзея, абуджаная гэтым візітам, усё яшчэ захоўваецца, але пачынае слабець пры адсутнасці хоць якіх-небудзь змен.

“Улады нічога не робяць, каб дапамагчы сасланым хрысціянам вярнуцца ў свае дамы, вярнуць маёмасць, захопленую мусульманамі. Гістарычна хрысціянскія раёны ўсё яшчэ знаходзяцца пад кантролем ісламскіх апалчэнцаў. Міжнародным арганізацыям надзвычай цяжка аказваць дапамогу”, - падкрэсліў іерарх.

Патрыярх вінаваціць у недахопе прагрэсу "палітыкаў, арыентаваных толькі на барацьбу за ўладу і грошы і зусім не зацікаўленых у дабрабыце краіны". Ён звярнуў увагу на неэфектыўнасць дзяржаўных інстытутаў, што дазваляе рознага роду ўзброеным групам усё яшчэ кантраляваць тэрыторыю, адбіраючы ў людзей шанс сацыяльнага і эканамічнага развіцця. Кардынал Сако таксама звярнуў увагу на сур'ёзную нявырашаную праблему – адсутнасць кантролю над гандлем зброяй.

Іракскі іерарх спадзяецца, што сітуацыю могуць змяніць запланаваныя на восень парламенцкія выбары, але, як ён адзначыў, гэта будзе няпроста, бо ў ісламе ўсё яшчэ цяжка аддзяліць палітыку ад рэлігіі.
 

21 чэрвеня 2021, 11:02
Prev
February 2025
SuMoTuWeThFrSa
      1
2345678
9101112131415
16171819202122
232425262728 
Next
March 2025
SuMoTuWeThFrSa
      1
2345678
9101112131415
16171819202122
23242526272829
3031