Сустрэча біскупаў-эмерытаў у Бразіліі
Аляксандр Амяльчэня - Vatican News
У мясцовай Канферэнцыі Біскупаў ёсць нават спецыяльная камісія, якая займаецца іерархамі-пенсіянерамі і наладжвае камунікацыю паміж імі. Штогод арганізуецца нацыянальныя сустрэча біскупаў-эмерытаў. Шостае па ліку такое мерапрыемства павінна было адбыцца ў 2020 г., але яго адмянілі з прычыны эпідэмічных абмежаванняў.
Сёлетняя сустрэча пройдзе анлайн. Яе тэма будзе тычыцца "ролі біскупа, які выйшаў на пенсію, у сінадальным Касцёле ў кантэксце Генеральнай канферэнцыі Біскупскіх Канферэнцый Лацінскай Амерыкі і Карыбскага басейна, а таксама будучага Сінода Біскупаў".
“Гэта магчымасць для кожнага з іх падзяліцца сваім жыццёвым і душпастырскім вопытам, бо ўсе яны ўдзельнічаюць да сённяшняга дня ў душпастырскай працы”, - падкрэсліў кс. Жуан Кандзіда Нэта, прадстаўнік Камісіі.
