Арцыбіскуп Галахер распачаў візіт у Боснію і Герцагавіну

Аляксандр Панчанка – Vatican News

Падарожжа будзе працягвацца да 20 сакавіка. У яго рамках запланаваны шэраг перамоў, візітаў і цэлебрацый. Арцыбіскуп Галахер сутрэнецца з Віцэ-старшынёй Савета міністраў і Міністрам замежных спраў Босніі і Герцагавіны Бісерай Туркавіч, прадстаўнікамі Парламенцкай асамблеі, членамі Прэзідыума, а таксама з каталіцкімі біскупамі балканскай краіны.

Ватыканскі дыпламат узначаліць тры святыя Імшы: ў інтэнцыі міру ў катэдральным касцёле Сараева, ў інтэнцыі прымірэння ў катэдральным касцёле Баня-Лукі і ў катэдральным касцёле Мостара. Акрамя таго ён наведае лагер для бежанцаў у мястэчку Ушывак і сустрэнецца з Апостальскім візітатарам для парафіі ў Меджугор’і.