Пантыфік прызначыў новага старшыню епіскапату Італіі

Аляксандр Амяльчэня - Vatican News

На працягу апошніх дзесяцігоддзяў іерарх выконваў шматлікія душпастырскія функцыі: у 1983-2012 гадах быў пробашчам касцёла Санта-Крочэ ала Лунгара; у 1995-2012 гадах – членам святарскай рады; у 1981-2000 гадах – вікарыем у базыліцы Маці Божай у Трастэвэрэ, а ў 2000-2010 гадах – пробашчам гэтай парафіі; у 2000-2012 гадах быў генеральным касцёльным асістэнтам Супольнасці святога Эгідзія; у 2010-2012 гадах – пробашчам парафіі святых Сымона і Юды Тадэвуша ў Торэ-Анджэла.

31 студзеня 2012 года Бэнэдыкт XVI прызначыў Дзупі дапаможным біскупам Рымскай дыяцэзіі. 27 кастрычніка 2015 года згодна з рашэннем Францішка ён стаў арцыбіскупам Балоньі. Той жа Папа 5 кастрычніка 2019 года ўключыў іерарха ў Калегію кардыналаў.

Кардынал Дзупі з'яўляецца чальцом Дыкастэрыі па служэнні інтэгральнаму развіццю чалавека і Адміністрацыі маёмасці Апостальскай Сталіцы (APSA).

Італьянскі епіскапат з’яўляецца адным з самых буйных у свеце. У яго склад уваходзяць больш за 400 іерархаў.