Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Беларуская праграма Vatican News
Расклад Падкасты
Падчас кантынентальнай сінадальнай асамблеі ў Празе Падчас кантынентальнай сінадальнай асамблеі ў Празе 

Сінадальны сход у Празе выпрацаваў заключныя рэкамендацыі

У Празе былі апублікаваны выніковыя рэкамендацыі кантынентальнай сінадальнай асамблеі, якая праходзіць у сталіцы Чэхіі з 5 лютага 2023 года.

Аляксандр Амяльчэня - Vatican News

Дакумент стаў вынікам чатырохдзённай працы і дыскусій дэлегатаў, якія прадстаўляюць 39 еўрапейскіх біскупскіх канферэнцый. Поўны выніковы дакумент будзе апублікаваны пазней.

Удзельнікі асамблеі выказалі жаданне працягваць выпрацоўку сінадальнага стылю, які палічылі больш чым метадам – стылем жыцця Касцёла, супольнага распазнання і чытання знакаў часу. Яны перакананыя ў тым, што такія сустрэчы павінны адбывацца рэгулярна. На іх важна разглядзець тэмы, звязаныя з суправаджэннем духоўна параненых, лідарствам моладзі і жанчын, адкрытасці да маргіналізаваных людзей, місіянерствам.

Удзельнікі еўрапейскай асамблеі прапанавалі некалькі прыярытэтных тэм для разгляду на агульным пасяджэння Сінода Біскупаў у кастрычніку 2023 года: паглыбіць практыку, тэалогію і герменеўтыку сінадальнасці; заняцца Касцёлам, які служыць, і на гэтай падставе паразважаць аб харызме і паслугах, а таксама аб адносінах паміж імі; пашукаць формы сінадальнага ажыццяўлення ўлады; удакладніць крытэрыі распазнавання ў сінадальным працэсе і тое, на якім узроўні: мясцовым ці паўсюдным, павінны прымацца рашэнні; прыняць канкрэтныя і адважныя рашэнні адносна ролі жанчын у Касцёле і іх большага ўдзелу на ўсіх узроўнях, у тым ліку ў працэсах прыняцця рашэнняў; разгледзець напружанні, якія ўзнікаюць вакол літургіі, каб пераасэнсаваць Эўхарыстыю як крыніцу сінадальнай камуніі; паклапаціцца аб сінадальнай падрыхтоўцы ўсяго Божага народа; аднавіць жывое пачуццё місіі, пераадолець разрыў паміж верай і культурай, каб несці Евангелле людзям, знайсці мову, здольную выказаць традыцыю і абнаўленне, і перш за ўсё ісці да людзей, а не гаварыць пра іх і да іх.

Рэкамендацыі кантынентальнай сінадальнай асамблеі завяршаюцца заклікам любіць Касцёл.
 

10 лютага 2023, 11:31
Prev
February 2025
SuMoTuWeThFrSa
      1
2345678
9101112131415
16171819202122
232425262728 
Next
March 2025
SuMoTuWeThFrSa
      1
2345678
9101112131415
16171819202122
23242526272829
3031