Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Кардынал Жан-Клод Олерыш Кардынал Жан-Клод Олерыш 

Генеральны рэлятар Сінода заклікаў Каталіцкі Касцёл да перамен

“Мы павінны змяніцца, інакш Добрая Навіна перастане быць зразумелай”, - лічыць кардынал Жан-Клод Олерыш, які адыгрывае ключавую ролю ў правядзенні цяперашняга Сінода Біскупаў.

Аляксандр Амяльчэня - Vatican News

“Асабліва моладзь адварочваецца ад Касцёла”, - звярнуў увагу арцыбіскуп Люксембурга. Яны бачаць у Касцёле не рашэнне, а частку праблемы. У той жа час многія маладыя людзі адчуваюць страх, напрыклад, перад вайной ва Украіне, змяненнем клімату, пандэміяй або тым, што ім давядзецца жыць без кахання. “Іх няма ў нашых касцёлах. Мы павінны ісці да іх”, - заўважыў іерарх.

Пра гэта кардынал гаварыў падчас прэзентацыі кнігі Iniziare dai molti (Пачаць з многіх), тэалагічныя разважанні якой павінны дапамагчы пераадолець дуалізм паміж духоўным і свецкім светам у рамках ватыканскай ініцыятывы Выратаваць братэрства.

Пра Сінод на тэму сінадальнасці кардынал Олерыш таксама шырока выказаўся ў інтэрв'ю харвацкай каталіцкай газеце Glas Koncila. Ён нагадаў аб прысутнасці "элемента Тэзэ" ў пачатку сінадальнай Асамблеі ў Рыме гэтай восенню. Францішак будзе маліцца разам з праваслаўным Патрыярхам Канстанцінопальскім і іншымі хрысціянскімі лідарамі – паводле яго слоў, гэта першы выпадак у гісторыі, "калі Наступнік Пятра просіць хрысціян іншых канфесій маліцца за Сінод Каталіцкага Касцёла".

Іерарх заклікаў да “дыягностыкі таго, што пайшло не так” у праекце рэформы ў Касцёле ў Германіі пад назвай Сінадальны шлях. Калі Касцёл “занадта нацыянальны”, як у Германіі, яму пагражае небяспека "закруціцца вакол сябе" і ўпасці ў чорна-белае мысленне.

Кардынал Олерыш звярнуў увагу на тое, што ў суседніх краінах, такіх як Люксембург, Швейцарыя і Аўстрыя, гэта не так, “хоць там людзі думаюць гэтак жа, як немцы”. Сустрэчы і дыскусіі становяцца сінодам у сапраўдным сэнсе толькі ў тым выпадку, “калі датычацца шляху – у адваротным выпадку яны ператвараюцца ў вайну канцэпцый”.

“Папа ў сваёй ідэі Сінода меў на ўвазе нешта іншае, чым арганізаванае аб’яднанне католікаў, нечым падобнае да прафсаюзаў”, - адзначыў арцыбіскуп Люксембурга. На яго думку, вельмі важна, каб рэформа Касцёла “вырасла з асновы”, прычым вырашальным фактарам для Францішка з’яўляецца “бачанне народу Божага”, спазнанае ім у Паўднёвай Амерыцы. Святы Айцец таксама раскрытыкаваў той факт, што Касцёл у Германіі занадта заклапочаны сабой і ўласнымі структурамі, пры гэтым амаль не даючы месца для “місіі”.

Кардынал Олерыш лічыць, што Касцёл павінен даць жанчынам больш прасторы ў прыняцці рашэнняў і ў душпастырскай адказнасці. "Грамадства без жанчын не з'яўляецца здаровым. Мужчыны прывыкаюць да гэтага і выпрацоўваюць пэўнае негатыўнае стаўленне да жанчын. Гэта – клерыкалізм", - адзначыў ён.

Аднак пытанне пасвячэнне жанчын, на думку люксембургскага іерарха, павінна абмяркоўвацца толькі пасля таго, як на практыцы будзе рэалізаваны большы душпастырскі ўдзел жанчын, а таксама пасля таго, як Праваслаўныя Цэрквы дадуць на гэта згоду.
 

30 сакавіка 2023, 11:48
Prev
February 2025
SuMoTuWeThFrSa
      1
2345678
9101112131415
16171819202122
232425262728 
Next
March 2025
SuMoTuWeThFrSa
      1
2345678
9101112131415
16171819202122
23242526272829
3031