Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Брат Алаіз, прыёр Тэзэ, падчас сустрэчы з Францішкам Брат Алаіз, прыёр Тэзэ, падчас сустрэчы з Францішкам  (Vatican Media)

Прыёр Супольнасці Тэзэ: Сінод павінен прыслухацца да ўсіх

У рамках Генеральнай асамблеі Сінода Біскупаў, якая пройдзе ў кастрычніку ў Рыме, трэба гаварыць аб тым, “як жыць верай, каб яна была зразумелай людзям сучаснага свету”, - лічыць прыёр Супольнасці Тэзэ.

Аляксандр Амяльчэня - Vatican News

У інтэрв’ю штотыднёвіку Sonntagsblatt аўстрыйскай дыяцэзіі Грац-Сэкау брат Алоіз падкрэсліў важнасць дыялогу перад абліччам вайны ва Украіне “з людзьмі, якіх мы ведаем у Расіі”. Ён патлумачыў, што многія пакутуюць ад падзелаў унутры касцёльных супольнасцей і сем’яў. Больш за тое, важна працягваць узбагачацца скарбамі Праваслаўных Цэркваў.

Папа Францішак запрасіў экуменічную супольнасць Тэзэ арганізаваць сустрэчу моладзі ў Рыме і вячэрнюю экуменічную малітву на плошчы святога Пятра непасрэдна перад пачаткам Сінода. Яна пройдзе 30 верасня 2023 года. Сусветны Сінод патрабуе “часу малітвы, цішыні і дыхання”, -патлумачыў брат Алоіз інтэнцыю набажэнства.

Ідэя экуменічнай малітвы Разам была вельмі станоўча ўспрынята абодвума кардыналамі Марыё Грэкам, генеральным сакратаром Сінода Біскупаў і кардыналам Куртам Кохам, прэфектам Дыкастэрыі спрыяння хрысціянскаму адзінству, - прызнаўся прыёр. Ён падкрэсліў, што Папа таксама вітаў гэтую ідэю.

“Для нас у Тэзэ гэта сустрэча выражае нашу глыбокую прыхільнасць да Папы, і, вядома, мы вельмі рады, што ён так клапоціцца пра экуменічны аспект сходу”, - адзначыў пратэстанцкі манах. Набажэнства павінна стаць духоўным імпульсам, а не платформай, на якой выстаўляюцца патрабаванні, - патлумачыў ён.

Для настаяцеля Супольнасці Тэзэ пытанне сінадальнасці датычыць таксама структур унутры хрысціянскіх супольнасцей і таго, як можна падзяліць адказнасць. “Як тэалагічны факт, што ўсе ахрышчаныя ўдзельнічаюць у супольнасці Касцёла, можа знайсці выяўленне ў жыцці Касцёла і яго структурах?” - пытаўся ён. Але нават калі структурныя пытанні важныя, ствараецца ўражанне, што Папа Францішак хоча пайсці яшчэ глыбей і фундаментальна спытаць, як вера магчымая ў наш час.

Гаворачы пра вайну ва Украіне, якую ў Расіі прадстаўляюць як вайну, якая вядзецца супраць падрыву класічных хрысціянскіх каштоўнасцей і заходняга лібералізму, брат Алоіс заўважыў, што Евангелле ніколі не можа апраўдаць насілле.
 

27 чэрвеня 2023, 11:59
Prev
February 2025
SuMoTuWeThFrSa
      1
2345678
9101112131415
16171819202122
232425262728 
Next
March 2025
SuMoTuWeThFrSa
      1
2345678
9101112131415
16171819202122
23242526272829
3031