Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Беларуская праграма Vatican News
Расклад Падкасты
 Кардынал Жан-Клод Олерыш (злева) падчас Сінода па сінадальнасі Кардынал Жан-Клод Олерыш (злева) падчас Сінода па сінадальнасі  (Vatican Media)

Кардынал: сінадальнасць не толькі для лібералаў у Касцёле

Калі сінадальнасць будзе перажывацца выключна ў “вышэйшых сферах” Касцёла, гэта будзе толькі макіяж, - такую думку выказаў кардынал Жан-Клод Олерыш, генеральны рэлятар XVI Асамблеі Сінода Біскупаў.

Ян Глінскі

30 лістапада 2023 года, у трэці дзень працы пленарнага пасяджэння Рады біскупскіх канферэнцыі Еўропы (ССЕЕ), арцыбіскуп Люксембуржскі казаў пра адносіны паміж сінадальнасцю і наднацыянальнымі структурамі ў Касцёле.

“Не трэба быць прагрэсіўным, каб быць сінадальным, - адзначыў іерарх у размове з агенцтвам КАІ. - Сінадальнасць для ўсіх, а не толькі для ліберальнага крыла ў Касцёле”.

На думку кардынала Олерыша, які таксама з’яўляецца віцэ-старшынёй ССЕЕ, “у Касцёле заўсёды будуць кансерватары і лібералы”, а “Езус памёр за адных і другіх”. “Разнастайнасць – гэта нармальна, яна не павінна весці да канфліктаў”, - дадаў іерарх.

Услед за Францішкам ён нагадаў, што Касцёл мае “жывую традыцыю”, якая “развіваецца, часам таксама нечаканым чынам”. “Нельга блытаць традыцыі з XIX стагоддзя, з адвечнай Традыцыяй Касцёла. Нам не хапае ведаў і гістарычнай свядомасці, таксама ў тэалогіі. Тое, чаму нас вучылі ў семінарыі, калі мы былі маладымі, не абавязкова было адвечнай тэалогіяй, а адпаведнай пэўнай эпосе тэалогіяй, якую трэба развіваць, пра што піша Папа ў вельмі важным апостальскім лісце да Папскай тэалагічнай акадэміі Adtheologiam promovendam (Для развіцця тэалогіі)”, - адзначыў арцыбіскуп Люксембуржскі.

Іерарх не згодны з тым, што сінод па сінадальнасці мае значэнне толькі для касцёльнай эліты, а рэшта Божага народу ў ім не зацікаўлена. “Вялікім для сінадальнасці будзе яе перажыванне ў парафіях і малых супольнасцях. Бо, калі яна будзе перажывацца выключна ў вышэйшых сферах Касцёла, то гэта будзе толькі макіяж. На думку біскупаў, цяпер адбываецца перанос сінадальнасці да гэтай асновы Касцёла, - адзначыў кардынал Олерыш. - Гэта глыбокія змены, якія патрабуюць часу. Нам неабходна выразнае бачанне таго, чаго Бог прагне для Касцёла, а пасля ўжо – вытрывалае жаданне рэалізаваць гэта ў жыцці. Але пачаць трэба ад асновы”.
 

01 снежня 2023, 09:39
Prev
February 2025
SuMoTuWeThFrSa
      1
2345678
9101112131415
16171819202122
232425262728 
Next
March 2025
SuMoTuWeThFrSa
      1
2345678
9101112131415
16171819202122
23242526272829
3031