Германія: 72 гадзіны, каб зрабіць свет крыху лепшым
Марыя Валодзіна - Vatican News
Сацыяльная акцыя прайшла ва ўсіх дыяцэзіях Германіі з 18 па 21 красавіка 2024 года. Узроставы дыяпазон удзельнікаў акцыі склаў ад 9 да 27 гадоў. Кожная з 2700 груп на працягу 72 гадзін рэалізоўвала які-небудзь сацыяльны, экалагічны або міжкультурны дабрачынны праект.
Разнастайнасць праектаў уражвала: ад аховы навакольнага асяроддзя і біяразнастайнасці да мерапрыемстваў для пажылых людзей і ўпрыгожвання гарадоў. Асаблівы імпульс акцыі надаў удзел 40 міжнародных груп з Паўночнай і Паўднёвай Амерыкі, Азіі, Афрыкі і Еўропы.
Моладзевую акцыю падтрымалі Федэральнае міністэрства па справах сям'і, пажылых людзей, жанчын і моладзі, Канферэнцыя Біскупаў Германіі, дабрачынны фонд Misereor і Фонд святога Баніфацыя (Bonifatiuswerk). Фонд Renovabis падтрымаў міжнародныя праекты, якія прайшлі ў рамках акцыі.
