Меджугор'е застанецца парафіяй без статусу санктуарыя

Аляксандр Амяльчэня - Vatican News

Заява прагучала на прэс-канферэнцыі пасля абвяшчэння Дыкастэрыяй веравучэння Ноты аб духоўным досведзе, звязаным з Меджугор'ем. Іерарх падкрэсліў, што ў бліжэйшы час не плануецца стварэнне санктуарыя, бо для гэтага патрэбна выкананне пэўных умоў. Аднак ён адзначыў, што гэтае пытанне застаецца адкрытым.

Паліч выдаў дэкрэт, які дазваляе арганізацыю паломніцтваў у Меджугор'е. Ён адзначыў, што праз 43 гады надышоў час завяршыць доўгую і складаную гісторыю, звязаную з духоўнымі з'явамі ў гэтым месцы. Важна было прызнаць тое, што з'яўляецца добрым і карысным для вернікаў.

Біскуп падкрэсліў, што вернікі не абавязаны верыць у гэтыя з'явы, бо паўнатой Аб’яўлення з'яўляецца Езус Хрыстус. Ён таксама адзначыў, што пакуль варта разглядаць падзеі ў Меджугор'і як "меркаваныя пасланні" і "меркаваныя з'явы". Біскуп падзякаваў сваім папярэднікам за іх крытычныя меркаванні, якія дапамаглі захаваць здаровы дух і пабожнасць да Маці Божай.

На думку іерарха, веру трэба будаваць на моцным падмурку Святога Пісання, Традыцыі Касцёла і яго Настаўніцкага Інстытута. Усё астатняе, уключаючы звышнатуральныя з'явы, можа толькі падтрымліваць асабістую веру людзей.