Францішак: адказ на лютасць – маўчанне
Падчас ранішняй св. Імшы, якую 27 сакавіка 2020 г. Папа цэлебраваў у капліцы сваёй ватыканскай рэзідэнцыі, ён спасылаўся на літургічнае чытанне з Кнігі Мудрасці Саламона (2, 1а. 12-22), падкрэсліўшы, што тут дэталёва апісваюцца выпрабаванні, праз якія павінен быў прайсці Езус.
Прароцтва кажа, што бязбожнікі зробяць “пастку на справядлівага”, бо ён дакарае іх “у грахах супраць Закону”, “вінаваціць у грахах супраць іх выхавання”; што яны “правераць яго знявагаю і мукаю, каб пазнаць яго лагоднасць і выпрабаваць яго цярплівасць”; “асудзяць яго на ганебную смерць, бо, як ён кажа, паклапоцяцца аб ім”.
Пантыфік зазначыў, што ў гэтым “плане дзеянняў” бачна не проста нянавісць, а сапраўдная лютасць, якая не шкадуе сродкаў для знішчэння чалавека. Яе заўсёды сее ў чалавечым сэрцы д’ябал.
, - лічыць Францішак.
Святы Айцец падкрэсліў, што лютасці ўласціва каварства. Ён нагадаў пра хітрасць, да якой прыбягалі ў камуністычных краінах для выяўлення хрысціян: калі дзеці ішлі ў школу на наступны дзень пасля Вялікадня, настаўніца пыталася, што яны елі ўчора, і калі тыя адказвалі, што елі яйкі, станавілася ясна, што дома святкавалі Пасху, а гэта была падстава для пераследу.
Папа параіў перад абліччам лютасці наследаваць прыклад Езуса – маўчаць. Дыскутаваць з людзьмі, апанаванымі лютасцю, не мае сэнсу, бо ў іх ёсць свае неадчэпныя ідэі, пасеяныя ў іх сэрцах д’яблам.
, - параіў Святы Айцец.
Францішак заўважыў, што лютасць можа праяўляцца і ў нападках, якія штодзённа здараюцца ў грамадстве, у месцах пражывання і працы.
“Папросім Пана аб ласцы змагання супраць гэтага злога духа; аб тым, каб дыскуціраваць толькі тады, калі гэта патрэбна; але перад абліччам духа лютасці, каб мець адвагу маўчаць і дазволіць прамаўляць іншым...”, - заклікаў Пантыфік.
На заканчэнне літургіі Папа правёў кароткую адарацыю Найсвяцейшага Сакрамэнту, удзяліў вернікам Эўхарыстычнае благаслаўленне і заклікаў усіх, хто ўдзельнічаў у св. Імшы праз сродкі камунікацыі, прыняць духоўную св. Камунію.
