Папа прыняў на аўдыенцыі супрацоўнікаў рымскай паліцыі
Падчас сустрэчы Святы Айцец казаў пра важнасць дбання аб духоўным здароўі сям’і – першай супольнасці, якая праз унутраны дыялог вучыць любові, веры і добрым учынкам.
– сказаў Пантыфік. На яго думку, толькі дзякуючы сямейнай лучнасці і любові чалавек здольны выстаяць перад горкай і балючай рэчаіснасцю.
Тым не менш, і самі сем’і пазначаны пакутамі, працягнуў Папа. Пра гэта яскрава сведчаць шматлікія старонкі Бібліі, пачынаючы з гісторыі братэрскай нянавісці Каіна і Авеля і заканчваючы жыццёвымі выпрабаваннямі Юзэфа і Марыі.
- падкрэсліў Святы Айцец.
“Час, у які жывём, пазначаны глыбокімі пераменамі. Вы пастаянна адчуваеце гэта ў сваёй працы, як падчас следства, так і на вуліцах, асабліва такога горада, як Рым. Сямейны вопыт дапамагае і тут, бо дае вам раўнавагу, мудрасць, каштоўнасці, на якія трэба раўняцца. Добрая сям’я перадае ў тым ліку і грамадзянскія каштоўнасці, навучае адчуваць сябе часткай грамадства, паводзіць сябе як сумленныя жыхары. Нацыя не можа трымацца, калі сем’і не выконваюць гэтае заданне”, - адзначыў Францішак.
Падчас аўдыенцыі Папа падзякаваў усім супрацоўнікам італьянскай паліцыі за службу, якую яны нясуць, у тым ліку, на карысць Касцёла і Святога Айца, а на заканчэнне сустрэчы благаславіў прысутных, просячы Маці Божую, каб дапамагала паліцэйскім і іх сем’ям “рухацца наперад з адвагай, пакорлівасцю і пяшчотай”.
