Пантыфік: людзі прагнуць Бога як штодзённага хлеба
Святы Айцец высока ацаніў працу законніц у сферы адукацыі і выхавання новых пакаленняў, з увагай да іх узрастання ў веры, а таксама дапамогу пакутуючым. “Вы знаходзіце жыццё, даючы жыццё, знаходзіце надзею, даючы надзею, знаходзіце сэнс сваёй прысутнасці ў Касцёле і свеце, заўсёды любячы і жывучы згодна з логікай дару, логікай Евангелля”, - сказаў ён.
Папа нагадаў, што “сучасны свет мае патрэбу ў сведках духоўнасці, у асобах, якія б былі соллю зямлі і святлом свету”, закваскай для грамадства. Ён заклікаў законніц несці людзям духоўную ежу, “неабходную таксама, як матэрыяльны хлеб”.
- запэўніў Пантыфік.
Паводле Святога Айца, свет патрабуе сведчання братэрскага жыцця ў супольнасці, але даць яго няпроста, бо заўсёды ўзнікае спакуса спрэчак і плётак. “Вельмі дрэнна разводзіць плёткі ў сям’і, але супраць гэтага ёсць сродак, вельмі добры лек, каб не пляткарыць: трэба прыкусіць язык”, - з іроніяй заўважыў Папа.
На заканчэнне прамовы Францішак пажадаў законніцам заўсёды памятаць пра запавет, пакінуты іх заснавальніцай: “Любіце адзін аднаго. Паважайце адзін аднаго. Няхай кожная з вас шукае дабра для іншай”.
- заклікаў ён.
Кангрэгацыя Аблатак Беззаганнага Зачацця Найсвяцейшай Марыі была заснавана італьянскай законніцай Орсолай Бенінказай у 1583 г. На сённяшні дзень гэта манаская супольнасць дзейнічае ў Італіі, Іспаніі, Пуэрта-Рыка, Мексіцы, Беніне, Бразіліі і ЗША.
