Пантыфік да балтыйцаў: перадаваць моладзі спадчыну свабоды
Напярэдадні Апостальскага падарожжа ў краіны Балтыі Святы Айцец звярнуўся да іх народаў са словамі шчырага прывітання. Відэапасланне распаўсюдзіла 20 верасня 2018 г. Зала Друку Святога Пасаду.
“Мой візіт супадае са стагоддзем незалежнасці вашых народаў, – падкрэсліў Пантыфік, – і, канечне, ушануе памяць усіх тых, чыя ахвяра ў мінулым зрабіла магчымай сённяшнюю свабоду”. Францішак заклікаў жыхароў Балтыі “бесперапынна ахоўваць і перадаваць новым пакаленням” каштоўную спадчыну, якой з’яўляецца свабода.
, - выказаў перакананне Святы Айцец.
Ён адзначыў наяўную сёння тэрміновую неабходнасць у пачуцці салідарнасці і служэнні на карысць усеагульнага дабра і пажадаў, каб яго візіт “стаў крыніцай падбадзёрвання для ўсіх тых людзей добрай волі, якія, натхнёныя глыбокімі духоўнымі і культурнымі каштоўнасцямі, атрыманымі ў спадчыну з мінулага, працуюць дзеля палягчэння пакут братоў і сясцёр у патрэбе і дзеля пашырэння адзінства і гармоніі ў грамадстве, на ўсіх яго ўзроўнях”.
Свой відэазварот Папа завяршыў словамі падзякі ўсім тым, хто дапамагае ў падрыхтоўцы яго балтыйскага падарожжа, і запэўненні ў сваёй малітоўнай блізкасці ўсіх жыхароў краін Балтыі.
Чатырохдзённы Апостальскі візіт Францішка ў Літву, Латвію і Эстонію распачнецца 22 верасня 2018 г. і працягнецца чатыры дні. Ён уключыць у сябе св. Імшы, экуменічныя набажэнствы, сустрэчы з духавенствам, моладдзю, каталіцкімі дабрачынцамі. У кожнай з краін прадугледжаны выступленні перад уладамі, грамадскасцю і дыпламатычным корпусам, візіты ветлівасці да палітычнага кіраўніцтва.
Не менш за паўтары тысячы пілігрымаў з Беларусі запісаліся ў арганізаваныя пры парафіях групы, якія возьмуць удзел у сустрэчы моладзі ў Вільнюсе і св. Імшы ў Каўнасе.
