Папа сустрэўся з Прэзідэнтам Швейцарскай Канфедэрацыі

Падчас шчырых размоў прагучала падзяка за службу Швейцарскай гвардыі для Святога Айца. Былі адзначаны добрыя двухбаковыя адносіны і агучана надзея на ўмацаванне супрацоўніцтва паміж Касцёлам і дзяржавай у розных сферах. Падкрэслівалася неабходнасць сумесных ініцыятыў на еўрапейскім і міжнародным узроўнях на карысць больш братняга грамадства, міру і справядлівасці, абароны гуманітарнага права. У гэтым кантэксце былі абмеркаваны некаторыя бягучыя тэмы, такія як міграцыя, урэгуляванне канфліктаў, ядзернае раззбраенне і феномен сучаснага рабства.