Францішак да біскупаў Азіі: мець адчыненымі дзверы для святароў
Францішак заўважыў, што Азія – гэта мультыкультурны і мультырэлігійны кантынент, які мае шмат праблем, такіх як беднасць і эксплуатацыя. Ён адзначыў, што хуткі тэхналагічны прагрэс можа адкрыць велізарныя магчымасці, якія палягчаюць жыццё, але таксама можа прывесці да росту спажывальніцтва і матэрыялізму, асабліва сярод моладзі. Далей ён указаў на чуму наркаманіі і гандлю людзьмі, праблему мігрантаў і бежанцаў, дрэнныя ўмовы працы, эксплуатацыю на працы, а таксама эканамічную і сацыяльную няроўнасць.
Адказваючы на гэтыя выклікі, Пантыфік заклікаў біскупаў Азіі па прыкладзе першых місіянераў вымяраць і ацэньваць сучаснасць і місію з значна больш шырокага і наватарскага пункту гледжання, не зацыклівацца на “стэрыльных” думках і дыскусіях, якія вядуць да канцэнтрацыі на сабе і паралізуюць ініцыятывы.
, - заклікаў Папа. Ён перасцярог ад стварэння такіх касцёльных структур і мыслення, якія могуць абмяжоўваць “евангельскі дынамізм”.
Святы Айцец звярнуў увагу, што адзін з найпрыгажэйшых аспектаў евангелізацыі – гэта ўсведамленне таго, што місія, ускладзеная на Касцёл, заключаецца не толькі ў абвяшчэнні Евангелля, але і ў тым, каб вучыцца верыць у Евангелле і даваць яму магчымасць перамяняць нас.
Папа заклікаў азіяцкіх біскупаў заўсёды трымаць адчыненымі дзверы для сваіх святароў, быць побач з імі, слухаць іх, спрабаваць суправаджаць іх ва ўсіх сітуацыях, асабліва, калі яны паддаюцца апатыі і абыякавасці. “І рабіце гэта не як суддзі, а як бацькі, не як менеджэры, якія імі карыстаюцца, а як сапраўдныя старэйшыя браты”, - адзначыў Францішак.
На заканчэнне ён папрасіў іерархаў перадаць папскія “благаслаўленне і любоў” сваім супольнасцям, асабліва хворым і ўсім, хто перажывае складаныя моманты.
