Папа ўхваліў дэкрэты: сярод благаслаўлёных – малады інтэрнаўт

Першыя тры дакументы тычыцца прызнання цудаў, здзейсненых праз заступніцтва: бл. Лазара, вядомага як Дэвасахаям, індыйскага свецкага верніка, мучаніка, забітага з нянавісці да веры ў 1752 г.; бл. Марыі Франчэскі ад Езуса (свецкае імя: Анна Марыя Рубата), італьянскай манахіні, заснавальніцы кангрэгацыі Сясцёр Капуцынак з Лаана, памерлай у 1844 г. ва Уругваі; Слугі Божага Карла Акуціса, італьянскага свецкага верніка, памерлага ў 2006 г. ва ўзросце 15 гадоў, вядомага дзякуючы сваім надзвычайным здольнасцям у галіне інфарматыкі, якія ён выкарыстоўваў на карысць Каталіцкага Касцёла, прапаведуючы Евангелле на інтэрнэт-прасторах і ў сацыяльных сетках.

Францішак ухваліў абнародаванне дэкрэту аб прызнанні мучаніцтва трох Слуг Божых: сальвадорскага езуіта, кс. Руціліа Грандэ Гарсіі, і двух яго паплечнікаў, свецкіх вернікаў, забітых з нянавісці да веры ў 1977 г.

Яшчэ чатыры дэкрэты тычыцца прызнання гераічнасці цнотаў трох італьянскіх святароў: кс. Эміліа Вэнтурыні, заснавальніка кангрэгацыі Сясцёр Служак Марыі Балеснай; памерлага ў 1905 г., і кс. Піра Скавіцы, памерлага ў 1964 г.; а. Эміліа Рэк’я, з манаскай кангрэгацыі Стыгматаў Нашага Пана Езуса Хрыста, памерлага ў 1969 г.; а таксама чылійскага свецкага верніка Марыё Ірыярта Пуліда, памерлага ў 1964 г. у ЗША.