Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Папа падчас малітвы Анёл Панскі з клінікі Джэмэлі Папа падчас малітвы Анёл Панскі з клінікі Джэмэлі 

Анёл Панскі: гарантаваць бясплатную ахову здароўя кожнаму!

11 ліпеня 2021 г., у кароткім разважанні падчас традыцыйнай нядзельнай сустрэчы з вернікамі Пантыфік падзяліўся думкамі на тэму важнасці гарантавання бясплатнай медыцыны кожнаму жыхару планеты.

Аляксандр Амяльчэня - Vatican News

Як і гады таму св. Ян Павел, Францішак памаліўся Анёл Панскі з аднаго з балконаў рымскай універсітэцкай клінікі імя Агасціна Джэмэлі, дзе зараз знаходзіцца пасля аперацыі, зробленай тыдзень таму.

Падзякаваўшы за малітву, Святы Айцец пракаментаваў урывак нядзельнага Евангелля (Мк 6, 7-13), дзе гаворка ідзе пра вучняў Езуса, якія "шмат хворых намашчвалі алеем, і вылечвалі". Папа звярнуў увагу на тое, што гэты "алей" звязаны не толькі з сакрамэнтам хворых, "які ўмацоўвае дух і цела", але і з "слуханнем, блізкасцю, клопатам і пяшчотай тых, хто займаецца хворымі". Яны "падобныя на ласку, якая прымушае чалавека адчуваць сябе лепш, здымае боль і падымае настрой".

Вернікі ля клінікі Джэмэлі падчас малітвы Анёл Панскі
Вернікі ля клінікі Джэмэлі падчас малітвы Анёл Панскі

“Рана ці позна нам усім спатрэбіцца гэтае "намашчэнне", і мы можам перадаць яго камусьці іншаму, праз візіт, тэлефанаванне, працягнутую руку да тых, хто мае патрэбу ў дапамозе”, - аргументаваў Францішак.

Пантыфік прызнаўся, што ў шпіталі ён адчуў "важнасць добрай медыцынскай дапамогі, даступнай кожнаму, як гэта адбываецца ў Італіі і іншых краінах, – бясплатнай сістэмы аховы здароўя, што гарантуе добрыя паслугі, даступныя ўсім". “Мы не павінны страціць гэтую каштоўнасць! Мы павінны захаваць гэта!”, - адзначыў Францішак.

Папа выказаў "прызнанне і падтрымку ўрачам і ўсім медыцынскім работнікам і персаналу бальніцы". Ён заклікаў маліцца за "ўсіх хворых, асабліва тых, хто знаходзіцца ў самым цяжкім стане". “Няхай ніхто не застанецца ў адзіноце, няхай кожны атрымае намашчэнне слухання, блізкасці і клопату”, - папрасіў Святы Айцец.

На балконе яго суправаджала група хворых дзяцей – пацыентаў клінікі.

Францішак не першым з Пантыфікаў маліўся ў нядзелю з клінікі Джэмэлі. Раней гэта рабіў 22 разы з акна свайго бальнічнага пакоя св. Ян Павел II падчас знаходжання ў гэтым рымскім шпіталі ў 1981, 1992, 1994, 1996 і 2005 гадах.

Малітва Анёл Панскі з клінікі Джэмэлі
11 ліпеня 2021, 12:38

Мінулая марыйная малітва

Увесь кантэнт >
Prev
February 2025
SuMoTuWeThFrSa
      1
2345678
9101112131415
16171819202122
232425262728 
Next
March 2025
SuMoTuWeThFrSa
      1
2345678
9101112131415
16171819202122
23242526272829
3031