Пантыфік паўдзельнічае ў Малітве за мір
Францішак прыме ўдзел у завяршальнай цырымоніі штогадовай Сустрэчы за мір, арганізаванай рымскай Супольнасцю св. Эгідзія, - паведаміла Зала Друку Святога Пасаду.
Аляксандр Амяльчэня - Vatican News
Мерапрыемства ладзіцца рэгулярна з 1987 г. Яго арганізатараў натхніла сустрэча рэлігій, якая прайшла ў 1986 г. у Асізі па ініцыятыве св. Яна Паўла ІІ.
На гэты раз Сустрэча за мір адбудзецца ў Рыме. Цырымонія, у якой возьме ўдзел Святы Айцец, будзе мець месца 7 кастрычніка 2021 г. у другой палове дня на плошчы перад Калізеем. Сёлетні дэвіз: “Народы-браты, зямля будучыні”.
28 верасня 2021, 10:45
