Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Беларуская праграма Vatican News
Расклад Падкасты
Лагатым Касцёльнай асамблеі краін Лацінскай Амерыкі і Карыбскага басейна Лагатым Касцёльнай асамблеі краін Лацінскай Амерыкі і Карыбскага басейна 

Папа да Касцёла ў Лацінскай Амерыцы: слухаць і быць творчымі

Слухаць адзін аднаго і мужна адкрывацца на новыя гарызонты, - заклікаў Папа ўдзельнікаў І Касцёльнай асамблеі краін Лацінскай Амерыкі і Карыбскага басейна.

Аляксандр Панчанка – Vatican News

Каля тысячы прадстаўнікоў Касцёла ў лацінаамерыканскім рэгіёне прымаюць удзел у форуме, які з 21 па 28 лістапада 2021 г. праходзіць у Мехіка. Частка дэлегатаў сабралася ў мексіканскай сталіцы, іншыя – далучаюцца да дыскусій з розных гарадоў Паўднёвай Амерыкі праз інтэрнэт-спалучэнне.

У сваім пасланні Святы Айцец нагадаў, што на V Генеральнай канферэнцыі епіскапатаў краін Лацінскай Амерыкі і Карыбскага басейна, якая прайшла ў 2007 г. у бразільскай Апарэсідзе, галоўнымі дзеючымі асобамі былі біскупы, пакліканыя тады “стаць місійнымі вучнямі” і “ўмацоўваць надзею”, маючы на гарызонце “юбілей аб'яўленняў у Гвадэлупэ ў 2031 г. і Юбілей Адкуплення ў 2033 г.”.

Перад гэтымі, яшчэ даволі далёкімі падзеямі, адбудзецца Сінод, які мае на мэце “змяніць пэўны парадак, надаючы новае месца і вагу голасу ўсіх ахрышчаных”, у адрозненні ад сустрэчы, прызначанай выключна для біскупаў, - звярнуў увагу Пантыфік.

Касцёльная асамблея ў Мехіка – гэта першае “важнае адлюстраванне гэтага працэсу”, - заўважыў Святы Айцец, заклікаючы яе ўдзельнікаў будаваць сваю працу на “слуханні” Бога і патрабуючых, якое павінна ўключаць таксама “дыялог і распазнанне”. “Я прашу вас паспрабаваць слухаць адзін аднаго і слухаць вокліч нашых самых бедных і самых забытых братоў і сясцёр”, - дадаў ён.

Францішак заўважыў, што пасля малітвы і дыялогу, якія патрабуюць “сумеснага распазнання”, ёсць неабходнасць у “пошуку спосабаў пераадолення рознагалоссяў, каб яны не прыводзілі да расколу і палярызацыі”.

“Я прашу Пана – памаліўся Святы Айцец, – каб ваша Асамблея магла стаць выразам “пераноўненасці” творчай любоўю Яго Духа, якая падштурхоўвае нас выходзіць насустрач іншым без страху, і якая заахвочвае Касцёл, праз працэс душпастырскага навяртання, станавіцца яшчэ больш евангелізацыйным і місіянерскім”.
 

22 лістапада 2021, 09:40
Prev
February 2025
SuMoTuWeThFrSa
      1
2345678
9101112131415
16171819202122
232425262728 
Next
March 2025
SuMoTuWeThFrSa
      1
2345678
9101112131415
16171819202122
23242526272829
3031