Папа да паліцэйскіх: бараніце годнасць і бяспеку людзей
Аляксандр Панчанка – Vatican News
3 лютага 2022 года Пантыфік прыняў на аўдыенцыі кіраўніцтва і супрацоўнікаў Інспекцыі па ахове грамадскага парадку “Ватыкан”. Ён выказаў падзяку сваім гасцям за іх “непрыкметную і адначасова эфектыўную прысутнасць”, якая гарантуе бяспеку вернікам, што прыходзяць памаліцца ў базыліку святога Пятра ці сустрэцца са Святым Айцом.
Францішак пажадаў паліцэйскім, каб у аснове іх служэння заўсёды знаходзілася фундаментальная матывацыя: клопат пра людзей, абарона годнасці і бяспекі кожнага чалавека. Гэта вельмі важна, - падкрэсліў Папа.
Пантыфік нагадаў, што 2 лютага адзначалася свята Ахвяравання Пана, якое называецца таксама “святам сустрэчы”. “Евангелле распавядае пра сустрэчу Марыі і Юзафа, маладых сужонкаў, нядаўна стаўшых бацькамі, з дзвюма пажылымі асобамі, Сімяонам і Ганнай. Сустракаюцца розныя пакаленні і гісторыі, і ў цэнтры знаходзіцца Езус. Я думаю, што вы, дзякуючы вашай працы, дазваляеце таксама і тут адбыцца шматлікім сустрэчам, у цэнтры якіх знаходзіцца Пан. Ваша служэнне дазваляе Езусу, быць прынятым многімі людьмі”, - сказаў Святы Айцец.
