Францішак: трэба быць побач з людзьмі, якія хварэюць на рак

Аляксандр Амяльчэня - Vatican News

Францішак звярнуў увагу на небяспеку абыякавасці і назваў яе “вялікай хваробай сучаснасці”. Сёння трэба быць побач з людзьмі, хворымі на рак, і з іх сем’ямі, якія маюць патрэбу ў кампетэнтнай і актыўнай падтрымцы. Таксама медыцынскія работнікі чакаюць падтрымкі. Гэта актуальна асабліва цяпер, калі свет выходзіць з пандэміі, якая замарудзіла працэсы прафілактыкі і дыягностыкі, з відавочнымі наступствамі ў першую чаргу для лячэння хвароб, - звярнуў увагу Пантыфік.

Папа назваў намаганні Лігі барацьбы з ракам “формай сацыяльнай дабрачыннасці”, якая ажыццяўляецца асацыятыўным чанам дзякуючы супрацоўніцтву з дзяржаўнымі і прыватнымі арганізацыямі, а таксама з валанцёрамі. На яго думку, менавіта асацыяцыі сёння могуць даць важнае сведчанне перад абыякавасцю, перад ментальнасцю, якая імкнецца выключыць тых, хто не ідэальны.

Францішак перакананы, што толькі разам можна спыніць распаўсюджванне культуры, якая хоча ўкараніць мадэль чалавека “эканамічнага”, карыснага ў той ступені, у якой ён вырабляе і спажывае. Жыццё, а не смерць з’яўляецца правам; і яго трэба прыняць, а не выкарыстоўваць – гэты этычны прынцып тычыцца ўсіх, - звярнуў увагу Папа.