Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Festive Ouverture
Расклад Падкасты
Ілюстрацыйнае фота Ілюстрацыйнае фота 

Папа: пакласці канец вар’яцкай вайне ва Украіне

Падчас сустрэчы з вернікамі на малітве Анёл Панскі, якая 10 ліпеня 2022 года прайшла ў Ватыкане, Францішак скіраваў заклік адносна складанай сітуацыі ў Шры-Ланцы, Лівіі і Украіне.

Аляксандр Панчанка - Vatican News

“Зноў выказваю маю блізкасць украінскаму народу, які штодзённа пакутуе ад жорсткіх абстрэлаў: за іх расплачваюцца звычайныя людзі. Малюся за ўсе сем’і, асабліва за пацярпелых, параненых і хворых, малюся за пажылых людзей і дзяцей. Няхай Пан укажа шлях, каб пакласці канец гэтай вар’яцкай вайне!”, - пажадаў Пантыфік.

Папа выказаў таксама салідарнасць з жыхарамі Шры-Ланкі, якія працягваюць адчуваць наступствы палітычнай і эканамічнай нестабільнасці. Ён далучыўся да закліку мясцовых біскупаў да міру, а таксама заахвоціў людзей, якія маюць уладу, не ігнараваць крык бедных і людскія патрэбы.

Францішак звярнуў увагу на сітуацыю ў Лівіі, асабліва на цяжкасці маладых людзей і ўсіх, хто пакутуе ад сур'ёзных грамадскіх і эканамічных праблем гэтай краіны. “Заклікаю ўсіх да абноўленага пошуку пераканаўчых рашэнняў, з дапамогай міжнароднай супольнасці, праз канструктыўны дыялог і нацыянальнае паяднанне”, - сказаў Папа.

Спасылаючыся на Нядзелю мора, якая ў другую нядзелю ліпеня адзначаецца многімі хрысціянскімі супольнасцямі, Святы Айцец выказаў блізкасць маракам, а таксама капеланам і валанцёрам душпастырскай службы Stella Maris. “Даручаю Багародзіцы маракоў, якія былі заблакаваны ў зонах ваенных канфліктаў, каб маглі вярнуцца дамоў”, - падкрэсліў Францішак.

 

10 ліпеня 2022, 12:55
Prev
February 2025
SuMoTuWeThFrSa
      1
2345678
9101112131415
16171819202122
232425262728 
Next
March 2025
SuMoTuWeThFrSa
      1
2345678
9101112131415
16171819202122
23242526272829
3031