Папа завяршыў свой візіт у Дэмакратычную Рэспубліку Конга
Францішак завяршыў свой візіт у Дэмакратычную Рэспубліку Конга. У 10.50 самалёт A-359 італьянскай авіякампаніі ITA Airways вылецеў з аэрапорта Ніджылі ў Кіншасе ў сталіцу Паўднёвага Судана Джубу.
Аляксандр Амяльчэня - Vatican News
Палёт зойме каля 3 гадзін і 20 хвілін, прыбыццё па раскладзе ў 15.00 па мясцовым часе.
У аэрапорце сталіцы Дэмакратычнай Рэспублікі Конга Пантыфіка сустрэў прэзідэнт Фелікс Чысекедзі. У VIP-зале адбылася іх прыватная сустрэча, якая працягвалася некалькі хвілін. Перад тым як увайсці на борт самалёта, Святы Айцец развітаўся з прадстаўнікамі ўлад краіны і мясцовымі біскупамі.
03 лютага 2023, 11:48
