Францішак моліцца за ахвяр землятрусу ў Японіі
Марыя Валодзіна – Vatican News
"Яго Святасць Папа Францішак глыбока засмучаны весткай пра гібель людзей і шкоду, нанесеную землятрусам у прэфектуры Ісікава", - гаворыцца ў тэлеграме за подпісам кардынала Дзяржсакратара П’етра Параліна.
Пантыфік запэўніў усіх пацярпелых ад гэтай катастрофы ў сваёй сардэчнай салідарнасці, духоўнай блізкасці і малітвах, асабліва за ахвяр землятрусу, за тых, хто страціў блізкіх, і за выратаванне зніклых без вестак.
Францішак заахвоціў грамадзянскія ўлады і супрацоўнікаў ратавальных службаў аказаць дапамогу ахвярам гэтай трагедыі і ахвотна заклікаў для іх Божае благаслаўленне суцяшэння і сілы.
Моцны землятрус магнітудай 7,6 адбыўся ў цэнтральнай частцы Японіі ў панядзелак, 1 студзеня 2023 года. Загінула па меншай меры 48 чалавек. Стыхійнае бедства выклікала разбурэнні, пажары, а таксама рызыку цунамі на ўзбярэжжы Японскага мора. У тысячах дамоў адсутнічае электрычнасць, парушаныя транспартныя сувязі з рэгіёнам.
