Францішак: вайна – гэта вар'яцтва і параза

Марыя Валодзіна - Vatican News

"Давайце не будзем забываць пра народы, якія знаходзяцца ў стане вайны. Вайна – гэта вар'яцтва. Вайна – гэта параза, заўсёды параза", - сказаў Святы Айцец.

Пантыфік заклікаў, у прыватнасці, маліцца за мір на Блізкім Усходзе і ў Еўропе. “Молімся за людзей, якія жывуць у Палесціне, Ізраілі, Украіне і многіх іншых месцах, дзе ідзе вайна. І давайце не будзем забываць пра нашых братоў рахінджа, якія падвяргаюцца пераследу”, - сказаў Пантыфік.

Вітаючы пілігрымаў з Польшчы, Францішак заклікаў маліцца Богу, каб "дараваў нам сэрца, адчувальнае да патрэбаў бедных, бежанцаў і ахвяр вайны".

Звяртаючыся да англамоўных пілігрымаў, Папа маліўся за ахвяр землятрусу ў японскай прэфектуры Ісікава, а таксама за загінулых пры сутыкненні самалётаў у аэрапорце Токіа.