Пантыфік даслаў відэазварот да вернікаў італьянскага Тэрмалі

Марыя Валодзіна - Vatican News

У сваім відэазвароце Францішак сказаў: “Дарагія браты і сёстры! У вас свята, таму што да вас з важным візітам завітае Маці Божая. Маці Божая ўвойдзе ў вашу дыяцэзію, увойдзе ў парафію, увойдзе ў вашы дамы, увойдзе ў вашы сем'і...”

“Яна, Маці Божая, вельмі добра выхаваная: яна не ўрываецца, не. Тук-тук, - стукае яна ў дзверы. І кожны з вас павінен адказаць. Яна пастукаецца ў дзверы вашага сэрца, вашага сумлення, вашага дома, вашай сям'і. Вы можаце сказаць: "Уваходзьце! Уваходзьце! Уваходзьце!” альбо адказаць: "Сёння я не магу, прыходзьце заўтра", а заўтра сказаць тое ж самае”, - папярэдзіў Францішак, заклікаючы вернікаў адчыніць Божай Маці дзверы сваіх сэрцаў.

“Падумайце: сёння Маці Божая сярод нас, яна стукае ў многія дзверы, таксама і ў дзверы майго сэрца. Як мне адказаць?” - звярнуўся да вернікаў Тэрмалі Францішак.