Святы Айцец благаславіў каманду ратавальнікаў мігрантаў
Аляксандр Панчанка - Vatican News
“Я жадаю вам усяго найлепшага і дасылаю свае бласлаўленні экіпажу Mediterranea Saving Humans і Migrantеs. Я малюся за вас. Вялікі дзякуй за ваша сведчанне. Няхай вас благаслаўляе Пан і бароніць Божая Маці”, - напісаў Святы Айцец у лісце на імя італьянскага святара, ксяндза Маціі Ферары, які суправаджае ратавальнікаў мігрантаў у моры ў якасці капелана.
Удзельнікі пошукава-выратавальнай аперацыі выплылі з порта італьянскага Трапані 24 жніўня 2024 года на двух караблях. Буксір Mare Jonio, які выкарыстоўвае няўрадавая арганізацыя Mediterranea Saving Humans, у місіі суправаджае дапаможнае судна, прадстаўленае фондам італьянскага епіскапата Migrantes, на борце якога знаходзяцца валанцёры і медыцынскі персанал, перакладчык і некалькі журналістаў.
