Папскі візіт у Сінгапур: дыялог з духавенствам
Аляксандр Амяльчэня - Vatican News
Святы Айцец сустрэўся з біскупам і святарамі ў 8.20 раніцы па мясцовым часе ў капліцы цэнтра. Дэталі дыялогу, паколькі ён насіў закрыты характар, не раскрываюцца. Пасля шчырай размовы ўдзельнікі зрабілі групавы здымак на памяць. Затым адбылося фатаграфаванне з кіраўнікамі манаскіх кангрэгацый, якія працуюць у Сінгапуры.
Варта адзначыць, што іерархія Сінгапура ўваходзіць у Канферэнцыю Каталіцкіх Біскупаў Малайзіі, Сінгапура і Брунея, якая была заснавана ў 1960-х гадах. Яна аб'ядноўвае іерархаў трох архідыяцэзій і шасці дыяцэзій Малайзіі, архідыяцэзіі Сінгапура і апостальскага вікарыята Брунея.
Пасля сустрэчы, каля 8.40, Францішак развітаўся з персаналам і дабрадзеямі Цэнтра духоўных практыкаванняў святога Францішка Ксаверыя, які быў яго рэзідэнцыяй на час візіту.
