Пантыфік правёў спакойную ноч, адпачыў і працягвае лячэнне
Раніцай 23 лютага 2025 года Зала Друку Апостальскай Сталіцы паведаміла праз афіцыйны тэлеграм-канал, што Святы Айцец правёў спакойную ноч у шпіталі.
Аляксандр Панчанка - Vatican News
“Ноч прайшла спакойна. Папа адпачыў”, - гаворыцца ў кароткім паведамленні, апублікаваным а 8:22 па цэнтральнаеўрапейскім часе.
Пазней стала вядома, што пры лячэнні Пантыфіка раніцай зноў выкарыстоўваліся кіслародныя насавыя трубкі з высокай хуткасцю патоку. Цяпер праводзяцца дадатковыя клінічныя абследаванні, вынікі якіх чакаюцца ў вячэрнім бюлетэні.
Увечары 22 лютага паведамлялася, што стан здароўя Святога Айца пагоршыўся: назіраліся праявы астматычнага крызу і анеміі, што запатрабавала прымянення кіслароднай тэрапіі і пералівання крыві. Тым не менш, Пантыфік заставаўся ў прытомнасці і правёў дзень у крэсле.
23 лютага 2025, 08:37
