Папа запрасіў бедных наведаць лёгкаатлетычны турнір

Ініцыятыва будзе рэалізавана ў супрацоўніцтве паміж Апостальскай элемазінарыяй – структурай Святога Пасада, якая ад імя Пантыфіка, займаецца дапамогай самым бедным, і Італьянскай федэрацыяй лёгкай атлетыкі, якая прадставіць “беднякам Святога Айца” месцы на трыбунах.

Спецыяльныя госці прыбудуць на стадыён у суправаджэнні валанцёраў дзвюх дабрачынных арганізацый: Супольнасці св. Эгідзія і “Cooperativa Auxilium”, а таксама супрацоўнікаў структур Апостальскай Сталіцы, якія ўваходзяць у склад лёгкаатлетычнай каманды “Athletica Vaticana”.

Як адзначаюць арганізатары, мэта ініцыятывы ў тым, каб праз папулярны від спорту падарыць бедным вечар, прасякнуты атмасферай свята і сяброўства, а таксама звярнуць увагу на каштоўнасці гасціннасці і салідарнасці.

- гаворыцца ў спецыяльным паведамленні Апостальскай элемазінарыі.

Асобы, якія прыбудуць на турнір па запрашэнні Святога Айца, змогуць павячэраць прама на тэрыторыі Алімпійскага стадыёну, у сектары, які звычайна займаюць заўзятары футбольнага клуба “Roma”.

Міжнародны турнір “Golden Gala” праходзіць у Рыме штогадова з 1980 г. За час яго правядзення было ўстаноўлена восем сусветных рэкордаў.