Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE

Малітва за мір ва ўспамін гістарычнай сустрэчы ў Ватыкане

8 чэрвеня 2018 г. ва ўсім свеце прайшла акцыя “Адна хвіліна дзеля міру”. Гэта ўжо штогадовая традыцыя, натхнёная гістарычнай сустрэчай Францішка з лідэрамі Ізраіля і Палестыны.

Акцыя заключаецца ў тым, каб роўна ў 13.00 затрымацца на хвілінку і памаліцца аб міры ў свеце. Яе галоўная мэта – далучыць да ініцыятывы як мага больш людзей, каб тым самым спрыяць росту міралюбівай свядомасці.

Ініцыятары акцыі – Міжнародны форум руху свецкіх вернікаў “Каталіцкае дзеянне” – запрасілі асаблівым чынам памятаць у гэтай адмысловай малітве пра чатыры краіны – Калумбію, М’янму, Украіну і Бурундзі, дзе працягваюцца ўзброеныя канфлікты і да якіх няма належнай увагі з боку міжнароднай супольнасці.

Ініцыятары лічаць, што “малітва – гэта не ўцёкі ад рэчаіснасці”, а “дапамога ў намаганнях змяніць яе” знутры. У дадзены кантэкст упісваецца таксама экуменічная сустрэча ў інтэнцыі міру на Блізкім Усходзе, якая пройдзе 7 ліпеня 2018 г. у італьянскім Бары з удзелам Пантыфіка і Патрыярхаў Цэркваў рэгіёну.

Гістарычная сустрэча Пантыфіка з прэзідэнтам Ізраіля Шымонам Перэсам, кіраўніком Палестыны Махмудам Абасам і Канстантынопальскім Патрыярхам Барталамеем І, якая натхніла на арганізацыю штогадовай акцыі “Адна хвіліна дзеля міру”, адбылася 8 чэрвеня 2014 г. у ватыканскіх садах па ініцыятыве Францішка. Папа запрасіў палітычных і рэлігійных лідэраў разам прасіць Бога аб ласцы міру для ізраільскага і палестынскага народаў. “Для прымірэння патрэбна адвага нашмат большая, чым для вядзення вайны”, - сказаў тады Пантыфік.

Навіна ў фармаце аўдыё
08 чэрвеня 2018, 14:43
Prev
February 2025
SuMoTuWeThFrSa
      1
2345678
9101112131415
16171819202122
232425262728 
Next
March 2025
SuMoTuWeThFrSa
      1
2345678
9101112131415
16171819202122
23242526272829
3031