Прадстаўнік Святога Пасада прыняў удзел у пасяджэнні Moneyval
Аляксандр Амяльчэня - Vatican News
Неабходна пазбегнуць таго, "каб меры па барацьбе з адмываннем грошай і фінансаваннем тэрарызму абмяжоўвалі або перашкаджалі здольнасці няўрадавых і дабрачынных арганізацый аказваць гуманітарную дапамогу ўразлівым групам і асобам", - заявіў 25 красавіка 2023 года мансеньёр Раберта Кампізі, саветнік па агульных пытаннях Дзяржаўнага сакратарыята на форуме Камітэта экспертаў Савета Еўропы па ацэнцы мер па барацьбе з адмываннем грошай і фінансаваннем тэрарызму.
На думку Святога Пасада фінансавыя злачынствы “ствараюць усё большую пагрозу для цэласнасці міжнародных фінансавых сістэм і падрываюць упарадкаванае суіснаванне ў дэмакратычным грамадстве і вяршэнства права”.
Кампізі звярнуў увагу на выпадкі, калі стандартамі барацьбы з адмываннем грошай і фінансаваннем тэрарызму злоўжывалі з мэтай перашкодзіць законнай працы грамадзянскай супольнасці і гуманітарных арганізацый.
