Сёлета Сусветная рада Цэркваў адзначае сваё 75-годдзе
Аляксандр Амяльчэня - Vatican News
Юбілейныя ўрачыстасці таксама маюць на мэце заахвоціць маладыя пакаленні да ўдзелу ў экуменічным руху, пераасэнсаваць сучасныя праблемы і мінулыя ініцыятывы. Рада хоча, каб святкаванне 75-годдзя дапамагло разглядзець у ёй платформу, здольную аб'яднаць хрысціян, таксама і ў вельмі цяжкія часы.
Юбілейныя ўрачыстасці пачнуцца пасяджэннем Вышэйшага камітэта 21-27 чэрвеня 2023 года ў Жэневе.
Сусветная рада Цэркваў была заснавана ў 1948 годзе. Сёння яна аб'ядноўвае 352 пратэстанцкія, праваслаўныя і старакаталіцкія Цэрквы і супольнасці ў больш чым 110 краінах. Яны прадстаўляюць каля 580 мільёнаў хрысціян ва ўсім свеце.
Каталіцкі Касцёл не з'яўляецца чальцом асацыяцыі, але яго назіральнікі прымаюць удзел у яе пасяджэннях з 1961 года. У 1965 годзе была створана сумесная рабочая група. Каталіцкія тэолагі працуюць у важных камітэтах Сусветнай рады Цэркваў.
