Кардынал маліўся на нацыянальным з'ездзе дэмакратаў у ЗША
Аляксандр Амяльчэня - Vatican News
На з'ездзе Камала Харыс і Цім Вальц афіцыйна сталі кандыдатамі ад Дэмакратаў на пасады прэзідэнта і віцэ-прэзідэнта Злучаных Штатаў на лістападаўскіх выбарах.
У сваёй малітве кардынал Сьюпіч звярнуўся да Бога з просьбай дапамагчы амерыканцам зразумець сваю грамадзянскую адказнасць і адказаць на яе. Ён падкрэсліў, што ЗША – гэта нацыя, якая складаецца з розных людзей і культур, аб'яднаных імкненнем да жыцця, свабоды, справядлівасці і бязмежнай надзеі.
Іерарх таксама маліўся аб міры, асабліва для тых, хто пакутуе ад бессэнсоўных войнаў, і заклікаў да актыўных дзеянняў па будаўніцтву агульнага дабра. Ён прасіў Бога, каб народ імкнуўся да будучыні, напоўненай любоўю, і павялічыў свае намаганні па ўсталяванні міру ў параненым свеце.
Блэз Джозэф Сьюпіч з'яўляецца арцыбіскупам Чыкага з 2014 года і кардыналам з 2016 года.
