Вялікабрытанія: езуіцкая структура заклікае бараніць мігрантаў
Аляксандр Амяльчэня - Vatican News
Кіраўнік па камунікацыях Езуіцкай службы бежанцаў (JRS) у Вялікабрытаніі, Ліям Олмарк, падкрэсліў важнасць адхілення ўсіх форм расізму і неабходнасць гарантавання бяспекі людзей. Ён адзначыў, што дэманстрацыі салідарнасці паказалі падтрымку мігрантаў часткай брытанскага грамадства.
Олмарк таксама ўказаў на ролю дэзінфармацыі і расісцкай рыторыкі ў падаграванні нядаўніх беспарадкаў. Ён падкрэсліў, што бежанцы часта становяцца "казлом адпушчэння" для праблем краіны.
Езуіцкая служба заклікала ўрад гарантаваць бяспеку бежанцаў і мусульманскіх супольнасцей, якія сталі мішэнню нападаў. Арганізацыя таксама падкрэсліла важнасць будавання будучыні на аснове салідарнасці і культуры сустрэчы, як заклікае Папа Францішак.
Забойства трох дзяўчынак, учыненае 18-гадовым Акселем Муганва Рудакубанай, сынам руандзійскіх імігрантаў, выклікала самыя сур'ёзныя беспарадкі ў Вялікабрытаніі з 2011 года.
