У Нотр-Дам зноў загучалі званы пасля пяцігадовага маўчання
Аляксандр Амяльчэня - Vatican News
Пасля разбуральнага пажару, які закрануў паўночную вежу катэдры, усе восем званоў давялося дэмантаваць для правядзення рэстаўрацыйных работ. У верасні іх вярнулі на месца, і цяпер яны зноў могуць напаўняць Парыж сваім гучаннем.
"Гэта яшчэ не было ідэальным, але мы давядзём усё да дасканаласці", – падзяліўся Аляксандр Гужон, кіраўнік праекта па ўсталяванні званоў. Філіп Жост, адказны за аднаўленне катэдры пасля пажару, падкрэсліў сімвалічнасць гэтай падзеі для ўсяго Парыжа.
Самы вялікі звон катэдры, названы ў гонар арханёла Габрыэля, важыць больш за чатыры тоны. Самы малы, масай каля 800 кілаграмаў, носіць імя Жан-Мары ў памяць пра кардынала Люстыжэ, які адышоў у вечнасць у 2007 годзе. Гэтае вяртанне званоў становіцца апошнім важным этапам перад урачыстым адкрыццём катэдры, запланаваным на 7 снежня 2024 года.
