Бэнэдыкт XVI святкуе імяніны

Ёзэф Ратцынгер быў ахрышчаны ў Марктлі на Іне, у Германіі, 17 красавіка 1927 г., на другі дзень пасля нараджэння, і тады атрымаў сваё імя. Сённяшні Папа на пенсіі ўспамінаў, што быў першым ахрышчаным у гэтым касцёле праз ваду, асвячоную падчас Пасхальнай вігіліі. “Я заўсёды быў удзячны за тое, што такім чынам маё жыццё было ад самага пачатку пагружана ў Пасхальную Містэрыю, што не магло быць нічым іншым, як знакам благаслаўлення”, - казаў ён у 1997 г.

Да абрання на Пасад св. Пятра Ратцынгер 28 гадоў з’яўляўся кардыналам, быў прэфектам Кангрэгацыі Веравучэння, членам Міжнароднай тэалагічнай камісіі. Раней прымаў актыўны ўдзел у працы Другога Ватыканскага Сабору ў якасці дарадчыка-тэолага пры арцыбіскупе Кёльна, кардынале Ёзэфе Фрынгсе. У 2002 г. ён стаў дэканам Калегіі кардыналаў і кардыналам-біскупам. У 2005 г. быў абраны Папам. На гэтай пасадзе ён прабыў да 2013 г., калі дабравольна адмовіўся ад яе.

Бэнэдыкт XVI стаў першым за апошнюю тысячу гадоў Папам нямецкага паходжання і найстарэйшым па ўзросце на момант абрання Пантыфікам з часоў Клімента XII – тады яму было 78 гадоў.