Новая камісія зоймецца вывучэннем пытання дыяканату жанчын

Яе старшынёй Францішак прызначыў італьянскага кардынала Джузэпэ Пэтрокі, арцыбіскупа Аквілы, а сакратаром – кс. Дэні Дзюпон-Фавіля, супрацоўніка Кангрэгацыі Веравучэння. Апрача іх у склад новай групы ўвайшлі дзесяць асоб: тры святары, два пастаянных дыяканы і пяць свецкіх жанчын. Яны прадстаўляюць: Украіну, ЗША, Іспанію, Вялікабрытанію, Швейцарыю, Італію і Францыю.

Раней, 2 жніўня 2016 г., Папа заснаваў Камісію па вывучэнні пытання дыяканату жанчын. Яе ўзначальваў тагачасны сакратар, а цяпер прэфект Кангрэгацыі Веравучэння, кардынал Луіс Ладарыя Фэрэр.