Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Беларуская праграма Vatican News
Расклад Падкасты
Ілюстрацыйнае фота Ілюстрацыйнае фота 

Кардынал Грэк заклікаў манаскіх асобаў маліцца за Сінод

Кардынал Марыё Грэк заклікаў манаскіх асобаў, якія прысвячаюць сябе сузіральнаму жыццю, маліцца за Сінод Біскупаў, які распачнецца ў кастрычніку 2021 г. на ўзроўні дыяцэзій і завершыцца ў 2023 г. у Ватыкане.

Аляксандр Панчанка – Vatican News

“Дарагія браты і сёстры, пакліканыя да манаскага і кантэмпляцыйнага жыцця, Святы Айцец Францішак у сваім навучанні часта нагадваў усяму Касцёлу пра патрэбу і прыгожасць таго, каб “крочыць разам”, распачынаючы сінадальны працэс, які будзе ўключаць “усе ўзроўні жыцці Касцёла”, - пачаў свой зварот Генеральны сакратар Сінода Біскупаў.

Кардынал Грэк адзначыў, што манаскія асобы, з’яўляюцца “ахоўнікамі і сведкамі фундаментальнай для сінадальнага працэсу рэальнасці”, выражанай трыма словамі: слуханне, навяртанне і адзінства. “Але прычына, якая падштурхнула мяне напісаць вам у сувязі з набліжэннем адкрыцця сінадальнага працэсу ў кастрычніку, тычыцца іншага слова, якое належыць да самага глыбокага стрыжня вашага паклікання: “малітвы”, - падкрэсліў ён.

Іерарх нагадаў словы 134 псальма, у якім гучыць заклік да левітаў і святароў Ерузалемскага храма “дзень і ноч” благаслаўляць Пана і “ўзносіць рукі свае ў няспыннай малітве”. Асобы, якія прыналежаць да манаскіх і кантэмпляцыйных супольнасцей могуць стаць такімі “левітамі і святарамі з псальму”, суправаджаючы малітвай трохгадовы сінадальны перыяд, пазначаны сустрэчамі, сходамі і дыскусіямі, і нагадваючы, “у праслаўленні і заступніцтве, што без адзінства з Богам не можа быць адзінства паміж намі”, - сцвердзіў Генеральны сакратар Сінода Біскупаў.

“На гэтым этапе сінадальнага шляху я не прашу вас маліцца замест іншых братоў і сясцёр, але нагадваць усім пра духоўнае вымярэнне шляху, які мы распачынаем, каб мелі магчымасць спазнаць дзейнасць Бога ў жыцці Паўсюднага Касцёла і асобных мясцовых Касцёлаў”, - напісаў кардынал Марыё Грэк.
 

28 жніўня 2021, 11:36
Prev
February 2025
SuMoTuWeThFrSa
      1
2345678
9101112131415
16171819202122
232425262728 
Next
March 2025
SuMoTuWeThFrSa
      1
2345678
9101112131415
16171819202122
23242526272829
3031