Памёр Бэнэдыкт XVI. Інфармацыя пра развітанне і пахаванне
Святы Пасад распаўсюдзіў інфармацыю пра смерць Бэнэдыкта XVI.
Аляксандр Амяльчэня – Vatican News
“З болем паведамляю, што Папа-эмерыт Бэнэдыкт XVI памёр сёння ў 9.34 у кляштары Mater Ecclesiae у Ватыкане”, - паведаміў кіраўнік Залы Друку Святога Пасада.
Матэа Бруні таксама паінфармаваў, што пахаванне запланавана на чацвер 5 студзеня ў 9.30. Урачыстасці пройдуць на плошчы Святога Пятра. Плануецца, што іх узначаліць Францішак.
Вернікі змогуць развітацца з Бэнэдыктам XVI у панядзелак 2 студзеня 2023 года. У гэты дзень цела Папы-эмерыта будзе знаходзіцца ў базыліцы святога Пятра ў Ватыкане.
31 снежня 2022, 10:54
