Камісар ЕС у Ватыкане абмеркавала перспектывы спынення вайны

Аляксандр Амяльчэня - Vatican News

Паўгадзінная гутарка была прысвечана перспектывам развіцця ў свеце. "Важнасць міжнароднага супрацоўніцтва была асабліва падкрэслена ў кантэксце вайны ва Украіне”, - сказала палітык у інтэрв'ю Vatican News.

Урпілайнен вельмі задаволена сваім першым візітам у Ватыкан у якасці камісара Еўракамісіі. Яна падкрэсліла, што "Еўрапейскі Саюз паважае цесныя адносіны са Святым Пасадам”.

Мы бачым, што Святы Пасад садзейнічае міру, бяспецы, а таксама развіццю і правам чалавека ў многіх частках свету. Менавіта таму ў ЕС мы супрацоўнічаем і ў цэлым падтрымліваем дзейнасць рэлігійных арганізацый, якія сапраўды дапамагаюць умацоўваць грамадзянскую супольнасць і забяспечваюць адукацыяй і медыцынскімі паслугамі найбольш патрабуючых у цяжкадаступных раёнах ", - сказала фінская палітык.

Яна падкрэсліла, што сустрэча ў Ватыкане была вельмі канструктыўнай: "Мы абмеркавалі тое, як мы можам працягваць сумесную працу па ўмацаванні міру і бяспекі, асабліва ў Афрыцы, кантыненце, які пакутуе ад наступстваў пандэміі каронавіруса і вайны ва Украіне". У Дзяржаўным сакратарыяце ішла гаворка і пра сумесныя рашэнні, звязаныя з спыненнем вайны ва Украіне.