Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Беларуская праграма Vatican News
Расклад Падкасты
Удзельнікі Сінода па дарозе на асамблею Удзельнікі Сінода па дарозе на асамблею  (Vatican Media)

Аўстрыйскі кардынал: Еўропа – больш не цэнтр Касцёла

“Еўропа больш не з’яўляецца цэнтрам Паўсюднага Касцёла, што стала новым урокам для нас, еўрапейцаў”, - так кардынал Крыстаф Шонбарн ахарактарызаваў бягучы стан пасяджэння Сінода.

Аляксандр Амяльчэня - Vatican News

4 кастрычніка 2023 года ў Ватыкане распачалася XVI-ая Звычайная генеральная асамблея Сінода Біскупаў, якая будзе доўжыцца да 29 кастрычніка.

У відэа, апублікаваным на платформе X, іерарх патлумачыў, што, напрыклад, адна траціна ўдзельнікаў з правам голасу – з Еўропы, чвэрць – паўночна- і паўднёваамерыканцы, у той час як афрыканцы і азіяты складаюць прыкладна адну пятую частку, пяць працэнтаў удзельнікаў з правам голасу родам з Акіяніі.

Па словах кардынала Шонбарна, у параўнанні з 1985 годам – калі ён упершыню ўдзельнічаў у Сінодзе Біскупаў – шмат што змянілася. “Паўднёвае паўшар'е – Афрыка, Азія і Лацінская Амерыка, сёння мае сур’ёзную прысутнасць. Гэта таксама змяняе змест і клімат Сінода”, - заўважыў арцыбіскуп Вены. “Касцёл сапраўды паўсюдны, і гэта цікава”, - рэзюмаваў свае словы іерарх.

Удзельнікамі Сінода з’яўляюцца больш за 400 біскупаў, святароў, свецкіх вернікаў, тэолагаў і манахаў, дэлегаваных мясцовымі Касцёламі і прызначаных Папам – 365 з іх маюць афіцыйнае права голасу.
Кардынал Шонбарн прысутнічаў на другой пазачарговай Асамблеі Сінода Біскупаў у 1985 годзе (25 лістапада - 8 снежня) у якасці члена Міжнароднай тэалагічнай камісіі. Менавіта тады ён атрымаў місію падрыхтаваць Катэхізіс Каталіцкага Касцёла, які быў упершыню апублікаваны ў 1992 годзе.

Акрамя арцыбіскупа Венскага, удзельнікам Сінода Біскупаў з Аўстрыі з’яўляецца старшыня Канферэнцыі Біскупаў гэтай краіны, арцыбіскуп Франц Лакнер.
 

17 кастрычніка 2023, 08:51
Prev
February 2025
SuMoTuWeThFrSa
      1
2345678
9101112131415
16171819202122
232425262728 
Next
March 2025
SuMoTuWeThFrSa
      1
2345678
9101112131415
16171819202122
23242526272829
3031